Ўзбекистонлик Жавоҳир Синдаров тарихий натижага эришди. У FIDE Жаҳон кубогида ғолиб чиқиб, ушбу мусобақани ютган энг ёш чемпион сифатида эътироф этилди. 19 ёшида қўлга киритилган бу ютуқ нафақат миллий шахмат тарихида, балки жаҳон шахмат саҳнасида ҳам муҳим воқеа бўлди.
Синдаровнинг ғалабаси ортидан мамлакатда кенг миқёсда табриклар ёғилди. Президент Шавкат Мирзиёев ҳам ёш чемпионни муборакбод этиб, унинг ғалабасини Ўзбекистон шахмат мактабининг юксак салоҳияти ва ёшларнинг интилишлари натижаси сифатида баҳолади.
Мусобақа регламентига кўра, Жавоҳир Синдаров чемпионлик учун 120 минг АҚШ доллари мукофот пули билан тақдирланди. Бу унинг халқаро спорт аренасидаги муваффақиятлари янада ошиб боришига замин яратади.
Жавоҳирнинг бу ғалабаси ўзбекистонлик ёшлар учун катта илҳом манбаи бўлиб, мамлакатнинг шахматдаги мавқеини яна-да мустаҳкамлади. Шахмат аҳли ва мухлислар Синдаровнинг кейинги ютуқларини катта қизиқиш билан кутмоқда.
“Zamin”ни Telegram'да ўқинг!
