Миллий статистика қўмитаси тақдим этган маълумотларга кўра, 2025 йилнинг январ-октябрь ойларида Ўзбекистонда Почта ва курерлик соҳасидаги хизматлар ҳажми 5,5 трлн сўмга етди. Бу кўрсаткич аввалги йилнинг шу даврига нисбатан 10,1 фоизга ўсди. Бу рақамлар мамлакатда электрон тижоратнинг жадал ривожланаётганини ва логистика хизматларига бўлган талаб ортаётганини кўрсатади.
Тошкент ва Самарқанд — етакчилар
Хизматлар ҳажмида энг катта улуш пойтахт Тошкент шаҳрига тегишли бўлиб, у 2,9 трлн сўмни ташкил этди. Бу, демак, умумий бозорнинг ярмидан кўпи пойтахт ҳиссасига тўғри келмоқда. Ҳудудлар бўйича тақсимот бўйича Самарқанд вилояти (602,4 млрд сўм) пойтахтдан кейинги ўринда. Кейинги ўринларни Тошкент (433,5 млрд сўм), Фарғона (420,4 млрд сўм) ва Қашқадарё (300,5 млрд сўм) вилоятлари эгаллади. Андижон вилоятининг кўрсаткичи ҳам салмоқли — 291,7 млрд сўм.
Қолган ҳудудлардаги ҳолат:
Қорақалпоғистон Республикаси — 64,9 млрд сўм
Бухоро вилояти — 66,3 млрд сўм
Жиззах вилояти — 42,7 млрд сўм
Навоий вилояти — 34,6 млрд сўм
Наманган вилояти — 161,1 млрд сўм
Сурхондарё вилояти — 62,1 млрд сўм
Сирдарё вилояти — 41,3 млрд сўм
Хоразм вилояти — 80,5 млрд сўм
Умуман олганда, почта ва курерлик соҳаси барқарор ўсишни намоён этмоқда. Бу, айниқса, йирик шаҳарлардаги савдо-иқтисодий фаолликнинг кучайиши билан изоҳланади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
