Бугун, 22 декабрь куни соат 10:00 дан 16:00 гача республика ҳудуди бўйлаб барча метан “заправка”лар одатий тартибда ишлайди. Бу ҳақда Энергетика вазирлиги расмий маълумот берди.
Мазкур хабар ортидан ижтимоий тармоқларда турли талқинлар пайдо бўлди. Айрим фойдаланувчилар ушбу иш режими бугундан бошлаб доимий амал қилади, деб хулоса чиқарган.
Вазирлик вакилининг таъкидлашича, барча метан заправкаларнинг тўлиқ ишлаши фақат 22 декабрь куни учун белгиланган бўлиб, ушбу вақт оралиғи билан чекланади. Яъни бу режим доимий эмас, балки вақтинчалик чора ҳисобланади.
Эслатиб ўтамиз, аввалроқ Ўзбекистонда метан “заправка”лар фаолиятига чекловлар жорий этилгани хабар қилинган эди. Унга кўра, Тошкент шаҳридаги 78 та автомобилларга газ тўлдириш компрессор шохобчалари тонгги соат 06:00 дан кечки 23:00 гача ишлайди. Шу билан бирга, жамоат транспорти узлуксиз ҳаракатланиши учун 21 та АГТКШ тунги вақтда ҳам фаолиятни давом эттириб, автобус ва бошқа жамоат транспортини ёқилғи билан таъминлайди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
