Шавкат Мирзиёев Тошкент чорраҳаларидаги видеокузатув тизимини қисқа муддатда ишга туширишга кўрсатма берди

Ўзбекистон Президенти Шавкат Мирзиёев Тошкентда қурилиши 2014-йил бошланган ҳамда шаҳар чорраҳаларини кузатишга мўлжалланган видеокузатув тизимини қисқа муддатда ишга туширишга кўрсатма берди. Бу ҳақда “Дарё” хабар бермоқда.

Ҳозирги кунда Тошкентда 120 та чорраҳа кузатув камералари билан жиҳозланган. Уларнинг барчаси ишга тайёр ва қоидабузарликларни тест режимида қайд этмоқда.

Ички ишлар органлари фаолиятидаги муаммо, камчилик ва вазифаларга бағишланган видеоселектор мажлиси давомида Шавкат Мирзиёев тегишли раҳбарларга транспорт ва пийодалар ҳаракатини бошқариб турадиган кузатув камераларини ишга тушириш бўйича аниқ кўрсатмалар берди. «Замин»ни Telegram’да ўқинг!