Пенсия жамғармаси янги йил байрами муносабати билан эълон қилинган дам олиш кунлари сабаб январ ойи пенсияларини тўлаш муддатларига аниқлик киритди. Бу ҳақда podrobno.uz хабар беради.
Жамғарма эслатишича, одатдаги тартибда пенсия тўловлари банк пластик карталарига ҳар ойнинг 5-санасигача ўтказиб берилади. Пенсияни нақд шаклда оладиган фуқароларга эса маблағлар 4-санадан 27-санагча бўлган даврда етказилади.
31 декабрдан 4 январгача мамлакатда Янги йил байрами муносабати билан дам олиш кунлари белгиланганидан сўнг, пенсионерлар январ пенсияси қачон тушиши юзасидан саволлар билан мурожаат қилган.
Пенсия жамғармаси таъкидлашича, пенсияларни молиялаштириш тегишли йил учун қабул қилинган «Ўзбекистон Республикасининг Давлат буджети тўғрисида»ги қонун асосида амалга оширилади. «Ўзбекистон Республикасининг 2026 йил учун Давлат буджети тўғрисида»ги қонунда Пенсия жамғармасининг 2026 йил харажатлари белгиланган тартибда тасдиқланган.
Шу асосда пластик карта орқали пенсия олувчиларга январ ойи тўловлари 2026 йил 5 январдан бошлаб ҳисобварақларга ўтказиб берилади. Худди шу кундан Пенсия жамғармаси пенсияларни етказиб бериш билан шуғулланувчи ташкилотларни ҳам молиялаштиришни бошлайди.
Маълум қилинишича, январ пенсиялари 5 январ куни пластик карталарга туширилади. Нақд пулда олувчиларга эса маблағлар 27 январгача Халқ банкининг кўчма кассалари орқали тасдиқланган кундалик жадвал бўйича, маҳалла фуқаролар йиғинлари орқали ёки пенсионерларнинг яшаш манзилида етказиб берилади.
Пенсия тўловларига оид саволлар бўйича фуқаролар Пенсия жамғармасининг ишонч телефони — 1271 рақамига мурожаат қилиши мумкин.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
