2025 йилнинг январ–ноябр ойларида Ўзбекистонда кўрсатилган бозор хизматлари ҳажми 916 трлн сўмга етди. Энг катта “суръат” эса молиявий хизматлар ҳамда алоқа-ахборотлаштириш йўналишида кузатилди — яъни пул айланмаси ва технология биргалашиб газни босган.
Миллий статистика қўмитаси келтирган маълумотларга кўра, хизмат турлари бўйича ўсиш қуйидагича шаклланган:
- молиявий хизматлар — 123,7 фоиз;
- алоқа ва ахборотлаштириш хизматлари — 122,6 фоиз;
- ижара хизматлари — 119 фоиз;
- соғлиқни сақлаш соҳасидаги хизматлар — 115,3 фоиз;
- меъморчилик, муҳандислик соҳасидаги хизматлар — 115,2 фоиз;
- савдо хизматлари — 113,3 фоиз;
- бошқа хизматлар — 113,1 фоиз;
- транспорт хизматлари — 112,9 фоиз;
- компютер ва маиший товарларни таъмирлаш бўйича хизматлар — 112,8 фоиз;
- шахсий хизматлар — 112 фоиз;
- кўчмас мулк билан боғлиқ хизматлар — 111,7 фоиз;
- яшаш ва овқатланиш хизматлари — 109,3 фоиз;
- таълим соҳасидаги хизматлар — 108,8 фоиз.
Қисқаси, рақамлар шуни кўрсатяптики: хизматлар бозорида энг юқори ўсиш молия ва IT/алоқа сегменти ҳиссасига тўғри келяпти. Шу билан бирга ижара, тиббиёт ҳамда муҳандислик хизматларида ҳам барқарор ўсиш сақланиб қолган.
Яқин ойларда бу тренд давом этса, хизматлар соҳаси иқтисодиётдаги “энг тез юрадиган мотор”лардан бирига айланиб олиши ҳеч гап эмас.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
