“Ўзбектуризм” МК энг йирик Fitur-2015 Халқаро сайёҳлик ярмаркасининг мукофоти билан тақдирланди

15 май куни Мадридда 28 январдан 1 февралгача Испания пойтахтида бўлиб ўтган FITUR-2015 Халқаро сайёҳлик ярмаркасининг энг фаол иштирокчиларини тақдирлаш маросими бўлиб ўтди, деб ёзмоқда Kun.uz.

Бу маросимда Ўзбекистон миллий стенди “Буюк Ипак йўли”да жойлашган Ўзбекистонни юқори даражада намойиш қилгани учун “Энг яхши стенд” номига сазовор бўлди.

“Ўзбектуризм” МК ни тақдирлаш давомида ўзбек экспозициясининг сифатли безалгани қайд этиб ўтилди. Бу экспозицияда Ўзбекистоннинг бой маданий-тарихий мероси ва сайёҳлик имкониятлари, шу жумладан бутун жаҳонга донғи кетган Самарқанд, Бухоро, Хива, Тошкент, Шаҳрисабз шаҳарлари ҳақида ёрқин иллюстратив материаллар намойиш қилинди. Шунингдек, Ўзбекистон тарихий аҳамиятга эга диққатга сазовор жойларининг сони бўйича дунёда етакчи ўринлардан бирини эгаллаши айтиб ўтилди. Бу қадамжолардан 140таси ЮНЕСКО ҳимоясига олинган объектлар қаторига киради.

Тақдирлаш маросими Испаниянинг Сайёҳлик бўйича давлат котиби И.Боррей, Мадрид мэрияси вакиллари, испан сайёҳлик компаниялари ҳамда Ўзбекистоннинг Испаниядаги элчихонаси вакиллари иштирокида бўлиб ўтди. “Замин” янгиликларини “Facebook”да кузатиб боринг