Ўзбекистон президентининг матбуот котиби тайинланди

  • 16 март 2017, 10:44
  • 5 636
  • Ўзбекистон
  • Асад Хўжаев Ўзбекистон президенти Шавкат Мирзиёевнинг матбуот котиби этиб тайинланди. У президентнинг давлат маслаҳатчиси ўринбосари ҳам ҳисобланади. Бу ҳақда «Кун.uz» маълум қилди.
    Ўзбекистон президентининг матбуот котиби тайинланди

    У Хожиметов Авазбекнинг ўрнини эгаллаган.

    Асад Хўжаев бунгача бош вазир ижро аппаратида ишлаган, ундан олдин эса Алишер Навоий номидаги Ўзбекистон Миллий кутубхонаси директори эди.

    Хўжаев Асадбек Азатбекович 1970 йили Чимкентда туғилган. Миллати ўзбек. У 1993 йилда Тошкент электротехника алоқа институтини (ҳозирги ТАТУ) тамомлаган, мутахассислиги - алоқа муҳандиси. 2001 йили Ўзбекистон Республикаси президенти ҳузуридаги давлат ва жамият қурилиш академиясини тамомлаган, бозор иқтисодиёти бўйича магистр.

    1995 йилдан буён турли йилларда Интелектуал мулк агентлиги бош директори, Ўзбекистон алоқа ва ахборотлаштириш агентлиги директори ўринбосари ва «Ўзбекистон почтаси» компанияси бош директори биринчи ўринбосари лавозимларида фаолият кўрсатган.

    Оилали, уч қиз ва бир ўғил фарзанднинг отаси.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Ўзбекистон президентининг матбуот котиби тайинланди