Тошкентдаги уйлардан бирида турар жой-коммунал хўжалик соҳасидаги синов лойиҳаси доирасида совуқ ва иссиқ сув, иссиқлик, газ, электр энергияси ҳисобини юритувчи ягона дастурий маҳсулотга бирлаштирилган smart-ҳисоблагичлар ўрнатилади. Бу ҳақда чоршанба куни журналистлар билан учрашувда пойтахт ҳокимияти Ҳудудий коммунал-эксплуатация бирлашмаси (ҲКЭБ) Иқтисодиёт ва инвестиция департаменти бошлиғи ўринбосари Ойбек Бекмирзаев хабар қилди, деб ёзади "Соф.уз" нашри.
«Тошкентнинг Яккасарой тумани Бошлиқ мавзесидаги 29-уйдан 20 та хонадон танлаб олинди, — деди у. — Уларнинг ҳар бирида совуқ ва иссиқ сув, электр энергияси, газ ва батареяга ҳисоблагич ўрнатилади. Уларнинг барчаси ярим йил давомида «айланувчи"ягона дастурга бирлаштирилади».
Тизим тўлақонли ишга туширилганидан сўнг қарздорликни текшириш зарурияти йўқолади, истеъмолчи ва коммунал хизматлар ўртасидаги тушунмовчиликларга барҳам берилади, дея қайд этди Ойбек Бекмирзаев. Абонент мобил телефони орқали ҳисоб рақами баланси ҳақида билиши ва зарурат туғилганида уни тўлдириши мумкин. Тўлов ўз вақтида амалга оширилмаган тақдирда компьютер автомат равишда хизматларни ўчириб қўяди.
ҲКЭБ вакилининг «Газета.uz"га маълум қилишича, инновацион лойиҳа унинг иштирокчиларининг шахсий маблағлари ҳисобидан амалга оширилади. Smart-ҳисоблагичлар Жанубий Кореядаги ҳамкорлар томонидан етказиб берилади. Дастурий таъминот эса Ахборот технологиялари ва коммуникацияларини ривожлантириш вазирлиги кўмагида лойиҳа ташаббускорлари томонидан ишлаб чиқилмоқда.
«Керакли ускуналар етказилган ва божхона назоратидан ўтмоқда. Жанубий Корея ва Ўзбекистон мутахассислари ишга киришишга тайёр», — дея таъкидлади Ойбек Бекмирзаев. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди