Тошкент аэропорти парковкалари хусусий бошқарувга ўтказилади
Узбекистан Аирпорц компанияси Тошкент халқаро аеропорти ҳудудидаги бир нечта автостоянкаларни E-auksion.uz орқали хусусий бошқарувга ўтказишни режалаштирмоқда. Савдога умумий майдони 40 минг квадрат метрдан ортиқ ва 1,5 мингта автомобилга мўлжалланган P1, P3–P5, P7 ва P8 парковкалари қўйилган бўлиб, ижаранинг бошланғич нархи йилига 48,7 млрд сўмни ташкил қилади.
Тошкент халқаро аэропорти ҳудудидаги бир нечта автостоянкалар хусусий бошқарувга ўтказилиши режалаштирилмоқда. Uzbekistan Airports компанияси уларни E-auksion.uz орқали аукционга қўйди.
Савдога P1, P3–P5, P7 ва P8 парковкалари қўйилган бўлиб, уларнинг умумий майдони 40 минг квадрат метрдан ортиқни ташкил этади. Бу ҳудуд тахминан 1,5 мингта автомобиль учун мўлжалланган.
Ижара муддати 3 йил этиб белгиланган ва бошланғич нарх йилига 48,7 млрд сўмни ташкил қилади. Шунингдек, оператор тушумидан қўшимча равишда 5 фоиз тўлов амалга оширилади.
Янги ижарачи барча жараёнларни тўлиқ рақамлаштириши, электромобиллар учун қувватлаш станцияларини ўрнатиши ҳамда онлайн бронлаш ва рақам таниш тизимларини жорий этиши шарт бўлади.
Бундан ташқари, оператор реконструкция ва ободонлаштириш ишларига сармоя киритиши лозим. Аукцион савдолари 2026 йил 19 май кунига белгиланган.
Изоҳлар 0
…