Мирзиёев ва Штайнмаер қатор қўшма лойиҳаларга старт берди

Шоукат Мирзиёев ва Германия президенти Франк-Валтер Штайнмаер Ўзбекистон ва Германия ўртасидаги қатор қўшма лойиҳаларга расман старт берди.

Президент матбуот хизмати маълум қилишича, икки давлат раҳбарлари музокаралар ўтказиб, икки томонлама ҳамкорликни янада ривожлантириш масалаларини муҳокама қилди.

Учрашув якунида томонлар кўп қиррали ҳамкорликни мустаҳкамлашга қаратилган қўшма баёнотни қабул қилди.

Шунингдек, молиявий ҳамкорлик соҳасидаги ҳужжатлар алмашилди ҳамда барқарор шаҳарсозлик лойиҳалари учун грант ва имтиёзли молиялаштириш бўйича келишувлар имзоланди.

Президентлар иштирокида Тошкент шаҳрида Volkswagen автомобилларини йирик узелли йиғиш заводи фаолиятига старт берилди.

Бундан ташқари, Тошкент вилоятида Германиянинг Ҳенкел компанияси иштирокида суюқ тозалаш воситалари ишлаб чиқариш корхонаси иш бошлади.

Андижон вилоятида эса «Ўзтемирйўлконтейнер» ва Рҳенус Груп ҳамкорлигида логистика маркази қурилиши бошланди.

Томонлар иштирокида таълим соҳасидаги икки лойиҳа ҳам ишга туширилди. Улар орасида Deutschэ Баҳн билан ҳамкорликда темирйўл мутахассисларини тайёрлаш курслари ва Телк немис тили имтиҳон маркази бор.

Маълумотларга кўра, Volkswagen ва «Ўзавтосаноат» таркибига кирувчи Алянс Ауто компанияси 2025 йилда автомобилларни йирик узелли йиғиш бўйича шартнома имзолаган эди.

Лойиҳа доирасида дастлаб Тошкентда йиғув ишлаб чиқариши ташкил этилади, кейинчалик Ангренда тўлиқ ишлаб чиқариш сиклини йўлга қўйиш ва экспортни бошлаш режалаштирилган.

«Ўзавтосаноат» раҳбариятининг маълум қилишича, Германия брендининг еттита модели бир вақтнинг ўзида ишлаб чиқарилиши кўзда тутилган.

Автомобиллар Ўзбекистон ички бозори билан бир қаторда МДҲ, Марказий Осиё ва Кавказ давлатларига ҳам етказиб берилиши режалаштирилмоқда.