Пойтахтимизнинг бирйўла уч олий ўқув даргоҳи Ўзбекистон фуқароларидан Россияда ишлашга рухсатнома олиш учун имтиҳон қабул қила бошлайди, деб ёзмоқда Кун.уз нашри.
Имтиҳонлар топшириш тартибига Ўзбекистон Республикаси Вазирлар Маҳкамасининг 2017 йил 20 июндаги «Россия Федерацияси ҳудудида вақтинчалик меҳнат миграциясини амалга оширишни режалаштираётган фуқаролар учун Ўзбекистон Республикаси ҳудудида комплекс имтиҳонлар ташкил қилиш чора-тадбирлари ҳақида»ги қарори билан аниқлик киритилган.
Ягона имтиҳон рус тили, РФ тарихи ва қонунчилиги асослари борасидаги билимларни текширувчи саволлардан иборат бўлади. Имтиҳонлар Ўзбекистон Миллий университети, И.Каримов номидаги Тошкент давлати техника университети ва М.В.Ломоносов номидаги Москва давлат университетининг Тошкент филиалида бўлиб ўтади.
Янги хизмат пуллик бўлади, тўлов миллий ва хорижий валюталарда қабул қилинади. Хорижий валютада тўловларни қабул қилиш учун марказлар махсус терминаллар билан жиҳозланади. Тўловнинг сўмдаги қисми имтиҳон марказларининг моддий-техника базасини мустаҳкамлаш, ходимлар ва олийгоҳ ходимларини рағбатлантиришга сарфланади.
Бандлик ва меҳнат муносабатлари вазирлиги матбуот хизматининг хабар беришича, имтиҳонлардан муваффақиятли ўтган фуқароларнинг номлари автоматлаштирилган электрон маълумотлар базасига қўшилади. Уни айни пайтда ишлаб турган меҳнат мигрантларига оид электрон база билан бирлаштириш режалаштирилган.
Имтиҳонлар ҳақида барча маълумотлар (услубий қўлланмалар, уларнинг баҳоси, ўтиш вақти ва жойи) Ташқи меҳнат миграцияси агентлигининг расмий сайтида эълон қилиб борилади. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Швейцария президенти Путинга мактуб йўллади
Damas учун онлайн контрактация очилади
Ўзбекистонда ўтган уч ойда қанча автомобиль ишлаб чиқарилган?
Германиянинг Knauf компанияси Россиядан бутунлай чиқиб кетишини тасдиқлади
АҚШнинг Суриядаги ҳарбий базасига ракеталар ҳужум қилди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди