Ўзбекистонлик ўқувчилар тарихда илк марта математика мусобақасида олтин медалларни қўлга киритди

25—31 июль кунлари давомида Ҳиндистоннинг Лакҳнау шаҳрида халқаро математика мусобақаси бўлиб ўтди. Халқ таълими вазирлиги хабар қилишича, мусобақада иштирок этган ўзбекистонлик ўқувчилар 2 та олтин ва 2 та кумуш медални қўлга киритиб, умумжамоа ҳисобида 2-ўринни эгаллади.

Мусобақада дунёнинг 41 та давлатидан ташриф буюрган ёш математикалар иштирок этди.

Қайд этилишича, мазкур танловда тўртинчи марта қатнашган ўзбекистонликлар илк бор 2 та олтин медални қўлга киритишга муваффақ бўлди.

Бухоро вилояти Қоракўл туманидаги 1-сонли ихтисослаштирилган давлат умумтаълим мактабининг 7-синф ўқувчилари Дониёр Исмоилов ва Севарахон Остонова индивидуал баҳсларда ўз иқтидорини намоён этиб олтин медални қўга киритган.

Қоракўлдаги худди шу мактабнинг 7-синф ўқувчиси Олимжон Олимов ҳамда 8-синф ўқувчиси Исмоил Пўлатов эса яккалик баҳсларида кумуш медалга сазовор бўлган. “Замин” янгиликларини “Twitter”да кузатиб боринг