11 август Тошкент ва Фарғона водийси аҳлига узоқ кутилган ёмғирни ҳадя этиши мумкин

Бир неча кундан буён давом этаётган жазирама 11 август куни ўрнини ёмғирга бўшатиб бериши мумкин. Ўзбекистоннинг барча ҳудудларида ҳаво ҳарорати бироз пасайиши кутилмоқда, деб ёзади Qalampir нашри.

Тошкент шаҳрида ҳаво ўзгариб туради, ёмғир ва момақалдироқ бўлиши мумкин. Ҳарорат кундузи 33-35 даража иссиқ бўлади, кечаси ҳарорат 23-25 даража илиқ бўлади. Ғарбдан эсувчи шамол кечаси шарқ томонга ўзгариб, сониясига 12-17 метргача кучайиши мумкин.

Қорақалпоғистон Республикаси ва Хоразм вилоятида ёғингарчилик кутилмайди, ҳарорат кундузи 27-32 даража иссиқ бўлади, кечаси 20-25 даража илиқ бўлиши кутилмоқда.

Бухоро ва Навоий вилоятларида ҳарорат 35 даражагача кўтарилади. Кечаси +20...+25 даражани ташкил қилади.

Самарқанд, Жиззах ва Сирдарё вилоятларида ҳаво ҳарорати кундузи 33-38 даража иссиқ бўлади. Кечаси 20-25 даража илиқ бўлиши кутилмоқда.

Жазирама ҳарорат Сурхондарё ва Қашқадарё вилоятларида сақланиб қолади. Ҳаво ҳарорати кундузи 34-39 даража иссиқ бўлади. Кечаси 21-26 даража илиқ бўлиши кутилмоқда.

Фарғона водийсида 11 август куни ёмғир ёғиб, момақалдироқ бўлиши кутилмоқда. Ҳаво ҳарорати кундузи 31-36 даража иссиқ бўлади, кечаси эса 20-25 даража илиқ бўлади. “Замин” янгиликларини “Одноклассники”да кузатиб боринг