Ўзбекистон бош вазири Абдулла Арипов 24 ноябрь куни Қозоғистон бош вазирининг биринчи ўринбосари Асқар Маминни қабул қилди, деб ёзмоқда Кун.уз нашри.
Учрашув давомида Ўзбекистон ва Қозоғистон вакиллари саноат кооперацияси, агросаноат, ҳарбий-техник, аэрофазовий, транзит-транспорт соҳаларида ҳамкорликни янада ривожлантириш масалаларини муҳокама қилишди.
Томонлар ер ва сунъий йўлдош алоқасини масофадан туриб зондлаш учун Қозоғистоннинг сунъий йўлдошли гуруҳи хизматларини тақдим этиш имкониятларини кўриб чиқдилар.
Учрашувда Асқар Мамин икки мамлакат ўртасидаги товар айирбошлаш ҳажми жорий йилнинг январь-сентябрь ойида 30%га ошгани ҳамда 1,5 млрд. долларни ташкил этганини таъкидлаб ўтди. Унинг фикрига кўра, 2017 йилнинг охирига келиб савдо айланмаси 2 млрд. долларга етади.
Мамин 2020 йилга келиб салоҳиятни ҳисобга олган ҳолда ўзаро савдо ҳажмини 5 миллиард долларга етказиш кераклигини қайд этди.
Томонлар минтақавий ва чегараолди ҳамкорлиги - икки томонлама ҳамкорликнинг муҳим йўналиши мавжуд салоҳиятини рўёбга чиқаришни қўллаб-қувватлашди.
Ўзбекистон Республикаси бош вазири Абдулла Арипов шу нуқтаи назардан Минтақалараро ҳамкорлик форумини ташкил этиш ғоясини қўллаб-қувватлади. Мазкур форум Ўзбекистон ва Қозоғистон ўртасидаги савдо-иқтисодий алоқаларни янада ривожлантириш учун асос бўлиши керак.
Шунингдек, Қозоғистон делегацияси Ўзбекистон бош вазирининг биринчи ўринбосари Очил Раматов томонидан ҳам қабул қилинди.
Ўзбекистон ва Қозоғистон бош вазир ўринбосарлари савдо-иқтисодий алоқаларни ривожлантириш ҳамда ўзаро товар айирбошлаш ҳажмини ошириш, шунингдек, товарлар турларини кенгайтириш масалаларини муҳокама қилишди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Тошкентда 02 кодли авторақамлар тахминан қачон пайдо бўлиши айтилди
Владимир Путин «Крокус»да содир этилган теракт учун ўч олишга чақирди
Германияда ишлаш истагида бўлган ўзбекистонлик мутахассислар учун немис тили ўргатилади
Лукашенко Ғарбга таҳдид билан чиқди
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Велосипедда сайр қилиш учун 3 сабаб: ёшартиради, оздиради ва умрни узайтиради
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?