Давлат статистика қўмитаси Ўзбекистон истеъмол секторидаги инфляция тўғрисидаги маълумотларни эълон қилди. Инфляциянинг ойлик кўрсаткичлари мамлакатда илк бор эълон қилинмоқда.
Ноябрда товарлар ва хизматлар учун истеъмол нархлари ўртача 2 фоизга кўтарилди. Жумладан, озиқ-овқат маҳсулотлари 1,5 фоизга, ноозиқ-овқат маҳсулотлари 3,4 фоизга ва хизматлар 0,5 фоизга ошган. Солиштириш учун: 2016 йил ноябрида истеъмол маҳсулотлари 0,8 фоизга кўтарилган.
Мева-сабзавот маҳсулотлари нархлари даражасининг ўзгаришига мавсумий омиллар таъсир этди. Бирмунча сезиларли даражада помидор ва бодринг маҳсулотлари нархлари — 60,6 фоиз ва 54 фоизга, узум — 19,8 фоизга, олма — 14,1 фоизга қимматлашди. Шу билан бирга, сабзи — 17,2 фоизга, пиёз — 13,9 фоизга, карам — 12,9 фоизга ва картошка — 1,1 фоизга арзонлашди.
Шунингдек, тухум — 7,9 фоиз, чой ва кофе — 2,4 фоиз, сарёғ — 2,3 фоиз, буғдой уни — 2,2 фоиз, сут маҳсулотлари — 2,1 фоиз, қандолат маҳсулотлари — 1,9 фоиз, мол гўшти — 1,6 фоиз, қўй гўшти ва гуруч — 1,2 фоиз, ўсимлик мойи — 0,8 фоизга қимматлади. Мош — 5,7 фоиз, ловия — 5,1 фоиз, парранда гўшти — 4,4 фоиз, балиқ — 3,7 фоиз, гречка ва бошқа ёрмалар — 1,4 фоиз ҳамда шакар — 0,4 фоизга арзонлашди.
Бир ой давомида ноозиқ-овқат маҳсулотлари 3,4 фоизга қимматлашган. Ўсиш ўтган йилнинг ноябрига нисбатан юқорироқ бўлди (1,8 фоиз). Ўсишга асосан бензин нархининг кўтарилиши (ўсиш ўртача 39,7 фоиз) билан боғлиқ.
Ноозиқ-овқат маҳсулотларининг бошқа турларида ҳам нархлар ўсиши кузатилди. жумладан дори воситалари — 4,8 фоиз, кийим-кечак — 2,9 фоиз, қурилиш материаллари — 2,6 фоиз, заргарлик буюмлари — 2,4 фоиз, оёқ кийими — 2,2 фоиз, шахсий гигиена товарлари — 2,1 фоиз, ювиш ва тозалаш воситалари — 1,8 фоизга қимматлашди.
Аҳолига пулли хизматларни кўрсатиш соҳасида ноябрь ойида 0,5 фоизлик ўсиш қайд этилди. 2016 йил ноябрида тарифлар 0,4 фоизга ошган эди.
Мазкур соҳада маиший хизматлар тарифларининг 2 фоизга, хорижий тиллар курсларида ўқиш нархининг 2,2 фоизга ўсиши асосий инфляцион омил бўлди.
Манба: Gazeta.uz “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Эрдўғон Туркия Исроил билан алоқаларини узганини маълум қилди
Боррел ЕИнинг Исроил билан мулоқотини тўхтатишни таклиф қилди
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Ўзбекистонлик MMAчилар жаҳон чемпионатида биринчи ўринни эгаллашди
