2 март куни Шавкат Мирзиёев раислигида Хатирчи туманида Навоий вилояти фаоллари ва мутасадди раҳбарлар иштирокида йиғилиш бўлиб ўтди, деб хабар берди Президент матбуот хизмати.
Давлат раҳбари вилоятда 2017 йилда бажарилган ишлар, жорий йилда амалга ошириладиган истиқболли режалар ҳақида маъруза қилди.
«Навоий вилояти бой табиий ресурсларга, улкан иқтисодий салоҳиятга эга. Бу бойликни халқимиз манфаати йўлида ишлатиш, янги иш ўринлари яратишга алоҳида эътибор қаратилмоқда», — деди Шавкат Мирзиёев.
Хусусан, Навоий кон-металлургия комбинатида қиймати 3 миллиард доллар бўлган 27 та инвестиция лойиҳасини амалга ошириш ишлари бошлаб юборилган. Мазкур лойиҳалар натижасида 2026 йилга бориб комбинатнинг ишлаб чиқариш ҳажми 30 фоизга ошади, 30 мингдан ортиқ қўшимча иш ўрни яратилади.
Қишлоқ хўжалиги соҳасида ҳам таркибий ўзгаришлар амалга оширилмоқда. Вилоятда пахта етиштириш ва уни қайта ишлаш тўлиқ кластер усулига ўтмоқда. Фермер ва тадбиркорларнинг даромади ошиб, рақобатбардош маҳсулотлар ишлаб чиқармоқда.
«Одамларнинг дунёқараши, меҳнатга муносабати ўзгармоқда. Дунёқарашни нима ўзгартиради – илм, даромад, манфаат», — деди Шавкат Мирзиёев.
Шундай кластерлар намунаси асосида мева-сабзавот маҳсулотларини сақлаш ва экспорт қилишга ихтисослашган кластерлар ташкил этиш зарурлиги қайд этилди.
Сув тежайдиган технологиялар асосида мева-сабзавот етиштиришни кўпайтириш, яйловларда қоракўлчилик ва эчкичиликни ривожлантириш, Нуротада пистачиликка ихтисослашган ўрмон хўжалиги ташкил этиш бўйича топшириқлар берилди.
Ўзбекистон Президенти Навоий вилоятида фойдалинилмаётган имкониятларни таҳлил қилиб, уларни ишга солиш орқали одамларни иш билан таъминлаш, молиялаштириш базасини кенгайтириш, маҳаллий бюджетларни мустаҳкамлаш зарурлигини таъкидлади. Хорижий инвестицияларни жалб этиш, импортни қисқартириш ва экспортни ривожлантиришга алоҳида эътибор қаратилди.
Вилоятни ижтимоий ривожлантиришга қаратилган чора-тадбирлар белгилаб берилди. Ичимлик суви таъминотини яхшилаш, кўп қаватли уй-жойлар қуриш, аҳоли саломатлигини мустаҳкамлаш борасидаги долзарб масалалар ҳал этилди. Хусусан, арзон уй-жойлар қуриш ўтган йилгига нисбатан икки баробар ошириладиган, вилоят соғлиқни сақлаш тизимини ривожлантириш ва шифохоналарни жиҳозлаш учун 4,5 миллион доллар маблағ ажратиладиган бўлди. Кам таъминланган оилалар тўйларини давлат томонидан ихчам тарзда ўтказиб берувчи жамғарма ташкил этилиши маълум қилинди.
Навоий вилоятининг меҳнаткаш аҳолиси белгиланган ижтимоий-иқтисодий лойиҳаларни муваффақиятли амалга ошириб, ҳар томонлама ривож топишига ишонч билдирилди.
Шавкат Мирзиёевнинг Навоий вилоятига ташрифи ниҳоясига етди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
20 ёшли ўзбекистонлик қизни қариндоши Туркияга сотиб юборди
Айрим бошқарув сервис компаниялари шартномаларида асоссиз шартлар белгилангани аниқланди
Ким Чен Ин ҳарбийларни жанговар ҳолатда туришга чақирди
Россиялик депутат: «Олий маълумотлиларнинг курерлик қилиши — ватанпарварликка зид»
Эрон АҚШдан 1 трлн доллар компенсация талаб қилди
Жо Байден: “Баъзан хотиним мени космосга жўнатиш билан таҳдид қилади”
Рашида Толиб Конгресс аъзоларига «аччиқ ҳақиқат»нинг суратини кўрсатди
Шольц ва Путин ўртасидаги суҳбат Киевга сигнал бўлди
