18-19 октябрь кунлари Россия президенти Владимир Путиннинг Ўзбекистонга давлат ташрифи бўлиб ўтади. Ташриф доирасида қатор ҳужжатлар тўплами имзоланиши кутилмоқда.
«Кейинги ҳафтада Ўзбекистонга амалга ошириладиган ташриф давомида Тошкентда президент Шавкат Мирзиёев билан музокаралар ўтказамиз. Музокаралар якунларига кўра, ҳукуматлараро ва тижорий ҳужжатлар пакети имзоланади», деганди Владимир Путин элчилардан ишонч ёрлиқлари қабул қилиб олиш маросими чоғида.
Россия президенти Ўзбекистон Россиянинг стратегик ҳамкори ва иттифоқчиси эканини қайд этган ҳамда сиёсий, савдо-иқтисодий, ҳарбий-техник, маданий-гуманитар соҳаларда икки томонлама алоқалар ривожланиб бораётганлигини эътироф этганди.
Олий даражадаги музокаралар якунида давлат раҳбарларининг Қўшма баёнотини қабул қилиш, 2019-2024 йилларга мўлжалланган иқтисодий ҳамкорлик дастури, 2019-2021 йилларда маданий-гуманитар соҳада ҳамкорлик дастури, Ўзбекистонда Россиянинг етакчи олий таълим муассасаларининг филиалларини ташкил этиш ва фаолиятини таъминлаш тўғрисидаги келишув, «Суффа» халқаро радиоастрономик обсерваториясини ташкил этиш бўйича «Йўл харитаси» ва бошқа муҳим икки томонлама ҳужжатларни имзолаш режалаштирилган.
Шунингдек, Путин Мирзиёев билан биргаликда икки мамлакат ўртасидаги минтақалараро ҳамкорлик форумида иштирок этишни, шунингдек, «Росатом» томонидан Ўзбекистондаги биринчи АЭС қурилишига старт беришни режалаштирмоқда.
Бундан ташқари, давлат раҳбарлари мунтазамлик касб этган сиёсий мулоқотнинг давоми сифатида Ўзбекистон ва Россия ўртасидаги кўп қиррали ҳамкорлик ҳолати юзасидан фикр алмашади. Стратегик шериклик ва иттифоқчилик муносабатларини янада мустаҳкамлаш, ўзаро манфаатли алоқаларни кенгайтириш, турли соҳаларда янги қўшма лойиҳа ва дастурларни амалга ошириш истиқболлари муҳокама қилинади.
Президент матбуот хизмати хабарига кўра, ташриф кун тартибидан долзарб халқаро масалалар, жумладан, минтақада барқарорлик ва хавфсизликни мустаҳкамлаш, Афғонистонда тинчлик ўрнатиш жараёнига кўмаклашиш масалалари ҳам ўрин олган.
Россия президентининг Ўзбекистонга давлат ташрифи доирасида Россия Федерацияси ва Ўзбекистон Республикасининг қатор етакчи олий таълим муассасалари ташаббуси билан илк маротаба “Ўзбекистон-Россия таълим форуми” ўтказилмоқда.
Халқаро форумда икки давлат президентлари администрациялари, ҳукумат раҳбарлари, Ўзбекистон олий ва ўрта махсус таълим вазири ва Россия Федерациясини таълим ва фан вазири ҳамда Россиянинг 80дан ортиқ нуфузли олий таълим муассасалари ректорлари иштирок этмоқда.
Мазкур нуфузли анжуманда Россиянинг етакчи олий таълим муассасалари билан қўшма дипломлар «Double degree» дастурлари асосида талабаларни ўқитиш, факультет ва кафедралар филиалларини ташкил қилиш, ўқитувчилар малакасини ошириш, мақсадли илмий изланишлар олиб бориш, ўқув ва илмий адабиётлар алмашиш, янги ҳамкорлик алоқаларини йўлга қўйиш учун замин яратилади.
Халқаро форум доирасида Россиянинг нуфузли олий таълим муассасалари ва республикамиздаги олий таълим муассасалари ўртасида малакали мутахассисларни ҳамкорликда тайёрлаш мақсадида қўшма лойиҳаларни амалга ошириш бўйича 100 дан ортиқ шартномалар имзоланиши режалаштирилмоқда.
Форум якунларига кўра, қуйидагилар режалаштирилмоқда: Ўзбекистонда Россия олийгоҳлари филиалларини очиш, академик алмашувни кенгайтириш, қўшма илмий ва инновацион форумлар ўтказиш, илмий-тадқиқот лойиҳаларини амалга ошириш, қўшма тадбирлар ўтказиш, ОТМлар ўртасида ахборот алмашинувини йўлга қўйиш, ҳамкорликни кенгайтириш.
Ташриф давомида, шунингдек, Ўзбекистон билан Россия ҳудудлари ва ишбилармон доиралари ўртасида йирик инвестиция ва савдо шартномалари имзоланиши кутилмоқда.
Владимир Путиннинг Ўзбекистонга ташрифи чоғида 20 миллиард долларлик ҳужжатлар тўплами имзоланиши режалаштирилган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Небензя Ғарбнинг БМТ Хавфсизлик Кенгашидаги нутқини иккиюзламачилик паради деб атади
Эрон: “Агар можарога АҚШ аралашса, америкалик ҳарбийлар нишонга олинади”
Эрон Исроилга ҳужум уюштирди. Энди уруш бошланадими?..
Пентагоннинг собиқ таҳлилчиси Ғарб нега Украинада тинчлик истамаслигини тушунтирди
Эроннинг Исроилга ҳужуми шунчаки спектакль эдими?..
“Толибон” Эроннинг Исроилга қарши ҳужумини қўллаб-қувватлади
Можародан сўнг Украинани нима кутаётгани маълум бўлди
Исроил мудофаа вазири ва АҚШ олий генерали Эроннинг эҳтимолий ҳужуми масаласида учрашув ўтказди
