03:53 / 13.11.2018
2 862

Тошкентдан Москвага янги йўловчи поезди қатнови йўлга қўйилмоқда

Тошкентдан Москвага янги йўловчи поезди қатнови йўлга қўйилмоқда
“Ўзбекистон темир йўллари” АЖ 2018 йил 14 декабрдан Тошкент-Москва йўналиши бўйича 350/349-сонли янги йўловчи поезди қатновини йўлга қўяди. Ушбу поезд “Қорақалпоғистон” станцияси орқали ҳаракатланади. Белгиланган жадвалга кўра, янги йўналиш бўйича қатновлар ҳафтада бир марта – ҳар жума куни амалга оширилади.

Ҳозирда Ўзбекистондан Москвага иккита поезд қатнови йўлга қўйилган: Тошкентдан 005Ф-сонли ва Андижондан 149Ф-сонли поездлар. Тошкентдан Москвага қатновчи поезд пайшанба ва шанба кунлари юради, у манзилга етиб олиш учун 2 кун 18 соат вақт сарфлайди. Андижондан Москвага поездлар эса сешанба ва якшанба кунлари юради ва йўлга 3 кун 1 соат вақт кетади.

Қўшимча маълумотларни жойлардаги темир йўл кассалари ҳамда темир йўл маълумотхоналаридан билиб олиш мумкин.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Ўзбекистон » Тошкентдан Москвага янги йўловчи поезди қатнови йўлга қўйилмоқда