«Ўзбекистон темир йўллари» Talgo-250 тезюрар поездлари ва эконом-класс вагонлари сотиб олади

  • 10 январь 2019, 00:00
  • 913
  • Ўзбекистон
  • «Ўзбекистон темир йўллари» Talgo-250 тезюрар поездлари ва эконом-класс вагонлари сотиб олади
    «Ўзбекистон темир йўллари» АЖ 2019-2021 йилларда иккита Talgo-250 тезюрар поезди ва тўртта эконом-класс вагонини сотиб олади. Бу ҳақда Kun.uz нашри хабар берди.

    Манбанинг айтишича, «Ўзбекистон темир йўллари» Инвестициялар бўйича давлат қўмитаси билан биргаликда бу борада Испаниянинг «Раtentes Talgo S.L.U» компанияси билан тўғридан-тўғри музокаралар ўтказади. Музокаралар якунига кўра, тезюрар поездлар ва вагонлар ҳамда уларнинг эҳтиёт қисмлари ва сервис хизмати кўрсатиш учун жиҳозлар сотиб олиш бўйича тегишли шартномалар имзоланади.

    Ўтган йилнинг сентябрида Ўзбекистон Жанубий Кореянинг Hyundai ва Испаниянинг Talgo компаниялари билан тезюрар поездлар сотиб олиш бўйича музокаралар ўтказаётгани хабар қилинганди.

    » » «Ўзбекистон темир йўллари» Talgo-250 тезюрар поездлари ва эконом-класс вагонлари сотиб олади