16:14 / 18.07.2019
3 163

Ўзбекистонда «Президентнинг 1000 нафар ёш кадрлари» лойиҳаси ташкил этилади

Ўзбекистонда «Президентнинг 1000 нафар ёш кадрлари» лойиҳаси ташкил этилади
Ўзбекистонда “Президентнинг 1000 нафар ёш кадрлари” лойиҳаси ташкил этилади. Бу ҳақда Ўзбекистон Республикасида 2019-2020 йилларда ёшларга оид давлат сиёсати соҳасида амалга ошириладиган ишларни янги босқичга олиб чиқиш бўйича йўл харитасида айтилади.

“Президентнинг 1000 нафар ёш кадрлари” лойиҳаси иқтидорли ёш кадрларни раҳбарлик лавозимларига тайёрлашга қаратилган бўлади. Бу борада Ёшлар масалалари бўйича республика идоралараро Кенгаши қарори ишлаб чиқилади.

Бажариш муддати - 2019-2020 ўқув йили. Масъул ижрочилар - Ўзбекистон ёшлар иттифоқи, Олий ва ўрта махсус таълим вазирлиги, Халқ таълими вазирлиги.

Шунингдек, ёш мутахассисларни чекка ҳудудларга юборишга қаратилган “Шаҳардан қишлоққа” лойиҳаси амалга оширилади. Масъул ижрочилар - Олий ва ўрта махсус таълими вазирлиги, Халқ таълими вазирлиги, Ўзбекистон ёшлар иттифоқи, Қорақалпоғистон Республикаси, вилоятлар ва Тошкент шаҳар ҳокимлиги.

Бундан ташқари, ёшларга оид давлат сиёсатига масъуллар компетентлигини аниқлаш, “социал лифт” механизми самарали ишлашини таъминлаш мақсадида психодиагностик тест (“Assessment Centre” ташкил этиш) амалиёти жорий этилади.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ўзбекистон » Ўзбекистонда «Президентнинг 1000 нафар ёш кадрлари» лойиҳаси ташкил этилади