22:44 / 22.08.2019
3 947

Жаҳон соғлиқни сақлаш ташкилоти учта хавфдан хавотирда

Жаҳон соғлиқни сақлаш ташкилоти учта хавфдан хавотирда
Фото: «Fotolia»

Жаҳон соғлиқни сақлаш ташкилоти (ЖССТ) организмга тушаётган микропластикни одамлар саломатлиги учун хавфли деб ҳисобламайди, бироқ олимларни унинг таъсирини ўрганишга чақирди. Бу ҳақда Хабар.уз хабар берди.

«Биз зудлик билан пластмасса микрозарраларининг саломатликка таъсири ҳақида чуқур билимга эга бўлишимиз зарур, негаки бу зарралар ҳар жойда бор, жумладан, биз ичаётган сувда ҳам. Биздаги мавжуд маълумотларга кўра ҳозирги кунда ичимлик сувидаги микропластик концентрацияси саломатлик учун хавф солмайди. Бироқ биз кўпроқ маълумотларга эга бўлишимиз зарур. Шунингдек, бутун дунёда пластик ифлосланиш ўсишини тўхтатишимиз зарур», — деди ЖССТ департамент директори, доктор Мария Нейра.

ЖССТ маълумотига кўра, 150 микрометрдан йирикроқ пластмасса микро зарралари одам организмига сўрилмайди.

Шунингдек, ташкилот вакиллари микропластик учта шаклда хавф туғдиришидан огоҳлантирди: у одам учун физик хавф солиши мумкин, микропластикдан ажралиб чиққан кимёвий модда организмни заҳарлаши, бундан ташқари, микропластикдаги микроорганизмлар ҳам токсик хусусиятга эга бўлиши эҳтимолдан холи эмас.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ўзбекистон » Жаҳон соғлиқни сақлаш ташкилоти учта хавфдан хавотирда