2 742
Республика акушерлик ва гинекология марказига янги директор ва бош шифокор тайинланди
Соғлиқни сақлаш вазирининг тегишли буйруқларига кўра, Республика ихтисослаштирилган акушерлик ва гинекология илмий-амалий тиббиёт марказининг директори ва бош шифокори лавозимларига тайинловлар амалга оширилди. Бу ҳақда «Халқ сўзи Online» хабар берди.
Унга кўра, Наталья Нодирхонова марказ директори этиб тайинланган. У 1969 йилда Бухоро вилоятида туғилган. Самарқанд давлат тиббиёт институтини тамомлаган. Кўп йиллар Бухоро вилоятидаги бир қанча тиббиёт муассасаларида гинекология соҳасида, жумладан, Бухоро вилоят перинатал маркази директори лавозимида ҳам фаолият юритган. II-даражали «Соғлом авлод учун» ордени соҳибаси.
2018—2019 йилларда Республика ихтисослаштирилган акушерлик ва гинекология илмий-амалий тиббиёт марказининг бош шифокор муовини ҳамда 2019 йилдан ҳозирги вақтга қадар марказ директорининг даволаш ишлари бўйича ўринбосари – бош шифокор лавозимида фаолият юритиб келган.
Республика ихтисослаштирилган акушерлик ва гинекология илмий-амалий тиббиёт марказининг даволаш ишлари бўйича ўринбосари – бош шифокор лавозимига эса Аминжон Сапаров тайинланган.
У 1983 йилда Самарқанд вилоятида туғилган. Тошкент давлат тиббиёт институтини тамомлаган, акушер-гинекология соҳасида ишлаш баробарида илмий фаолият ҳам олиб борган. Шунингдек, Россиянинг И.И.Мечников номидаги шимоли-ғарбий давлат тиббиёт университетининг аспирантурасини тамомлаган. 2018 йилдан буён марказнинг бош шифокори ўринбосари лавозимида ишлаб келган.
Эслатиб ўтамиз, 2019 йилда Республика гинекология марказининг мансабдор шахслари икки йил ичида марказнинг жами 15,3 миллиард сўм пул маблағлари талон-торож қилингани юзасидан жиноят иши қўзғатилганди. Кейинроқ прокуратура текширувидан сўнг марказнинг айрим шифокорлари маоши 15 миллион сўмгача ошган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россияда америкалик аскар ўғриликда айбланиб қўлга олинди
Ғазо аҳолиси ҲАМАСнинг тинчликка эришиш йўлидаги қарорини нишонлаш учун кўчаларга чиқди
ОАВ: Марказий Осиё давлатлари дронлар билан қуролланмоқда
Освенцимда минглаб яҳудийлар «Тириклар марши» акциясини ўтказди
Бекхэм Роналдуни “Интер Майами”га олиб келиш бўйича иш бошлади
Президент Евросиё иқтисодий иттифоқи органлари билан қатор йўналишларда ҳамкорликни кенгайтириш зарурлигини айтди
Лавров: “АҚШдаги демократлар ва республикачилар Россияни душман деб билади”
Бразилияда сув тошқинлари: қурбонлар сони 75 кишига етди