13:30 / 23.03.2021
1 838

Гидрометеорология хизмати ҳафталик об-ҳаво тўғрисида маълумот берди

Гидрометеорология хизмати ҳафталик об-ҳаво тўғрисида маълумот берди
Республика Гидрометеорология хизмати ушбу ҳафтада кутилаётган об-ҳаво маълумотини эълон қилди.

Бугун Ўзбекистон ҳудудига деярли салқин ҳаво массалари кириб келиши кутилмоқда, бунинг натижасида Тошкент, Самарқанд, Жиззах, Сирдарё вилоятларида баъзи жойларда ёмғир ёғади, момақалдироқ бўлиши мумкин. Қолган ҳудудларда ёғингарчилик кутилмайди. Ҳаво ҳарорати 15-20° илиқдан юқори бўлмайди.

24-25 мартда салқин ҳаво массалари мамлакатимиз ҳудудларидан чиқиб кетади, унинг ўрнига жанубий ҳудудлардан илиқ ҳаво массалари кириб келиши бошланади, бу кунларда ёғингарчилик эҳтимоли кам бўлади, ҳаво ҳарорати кечалари 8-13° илиқ, кундуз кунлари 20-25° илиқ атрофида бўлиши кутилмоқда.

26-27 мартда республикамизга Кавказ ҳудудларидан булутли массивлар кириб келади, бунинг ҳисобига баъзи жойларда ёмғир ёғади, момақалдироқ бўлиши мумкин. Ҳаво ҳарорати кечалари 8-13° илиқ, кундуз кунлари 17-22° илиқ атрофида бўлиши кутилмоқда.

Баъзи жойларда айрим кунларда шамол 15-20 м/с гача кучайиши мумкин.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Ўзбекистон » Гидрометеорология хизмати ҳафталик об-ҳаво тўғрисида маълумот берди