07:30 / 27.10.2021
1 059

Ўзбекистонда 2021 йилнинг 3-чорагида ўлимлар сони кескин ошди

Ўзбекистонда 2021 йилнинг 3-чорагида ўлимлар сони кескин ошди
Давлат статистика қўмитаси Ўзбекистоннинг 2021 йилнинг 1 октябрь ҳолати бўйича демографик маълумотларини эълон қилди.

Маълумотларга кўра, Ўзбекистонда 9 ойда 132,1 минг ўлим ҳолати қайд этилган. Чораклар кесимида кўриладиган бўлса, 1-чоракда 39,6 минг, 2-чоракда 40,1 минг, 3-чоракда эса 52,4 минг ўлим рўйхатга олинган. Бунда 3-чоракда ўлим ҳолати 2-чоракка нисбатан 31 фоизга ёки 12,3 минг нафарга ошган.

Маълумот учун, Ўзбекистонда 2020 йилда 175,6 мингта ўлим қайд этилган бўлиб, ҳар 1000 аҳолига ўлим коэффициенти 5,1 промиллени ташкил этган ва 2019 йилга нисбатан 0,5 промиллега ошган (2019 йилнинг январь—декабрь ойларида кўрсаткич 4,6 промилле бўлган).

2020 йилда қайд этилган ўлим ҳолатларининг 60,0 фоизи қон айланиш тизими касалликларидан, 8,0 фоизи ўсимталардан, 7,2 фоизи нафас олиш аъзолари касалликларидан, 4,4 фоизи овқат ҳазм қилиш аъзолари касалликларидан, 4,4 фоизи бахтсиз ҳодиса, заҳарланиш ва жароҳатланишлардан, 4,4 фоизи юқумли ва паразитлар касалликлардан ҳамда 11,6 фоизи бошқа касалликлардан вафот этган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Ўзбекистон » Ўзбекистонда 2021 йилнинг 3-чорагида ўлимлар сони кескин ошди