General Motors яна бир моделидан воз кечди

Бир неча йил аввал Chevrolet Camaro Америка бозорини тарк этган эди, бу эса Ford Mustang’ни ягона рақобатчисиз қолдирди. Бунгача Dodge Challenger ҳам савдодан чиқарилган эди. General Motors (GM) узоқ вақт давомида Camaro’ни қайта тиклаш режалари устида ишлади ва уни янги форматда тақдим этиш кутилган эди. Бироқ компания ушбу лойиҳани тўхтатишга қарор қилган.

Бу ҳақда ҳозирча General Motors расман баёнот бермаган бўлса-да, компанияга яқин манбаларнинг хабар беришича, Camaro’ни қайта тиклаш иқтисодий жиҳатдан фойдасиз деб топилган. Сабаблари аниқ ошкор қилинмаган, аммо GM раҳбарияти янги Camaro’нинг савдоси паст бўлишини тахмин қилган ва автомобиль ишлаб чиқаришга кетадиган маблағни қоплаш қийин бўлиши мумкинлигини ҳисобга олган.

Илгари General Motors янги Camaro’ни арзонроқ қилиб чиқариш орқали уни ёш харидорлар учун жозибадор қилишни режалаштирганди. Худди шундай стратегия C8 Corvette моделида қўлланилган ва муваффақиятли натижа берган эди.

Ҳозир эса GM асосий эътиборини электромобиллар ишлаб чиқаришга қаратмоқда ва аккумулятор заводларини кенгайтириш учун миллиардлаб доллар сармоя киритмоқда. Шу сабабли компания келажаги аниқроқ бўлган лойиҳаларга устуворлик бермоқда. “Замин” янгиликларини “Telegram”да кузатиб боринг