Mansory илк бор Tesla Cybertruck’ни янгилашга киришди

Дунёга машҳур Mansory тюнинг ательеси Tesla Cybertruck учун ўзининг Elongation деб номланган янги модификация дастурини эълон қилди. Ателье тафсилотларни тўлиқ очиқламаган бўлса-да, тақдим этилган суратлардан Cybertruck’нинг анъанавий Mansory услубида модернизация қилингани кўриниб турибди.

Расмий маълумотларга кўра, Cybertruck учун тўлиқ карбон бодикити ишлаб чиқилган.

Суратларда қуйидаги ўзгаришлар кўзга ташланади:
Агрессив бампер дизайни
Катталаштирилган ғилдирак аркаларининг бурчакли кенгайтиргичлари
Олд багаж қопқоғининг муқобил дизайни
Янгича ён кўзгулар
Орқа диффузор ва йирик спойлер
Бундан ташқари, Mansory 26 дюймли янги дискларга эга бўлишини ҳам маълум қилди.

Ички қисм тўлиқ қайта тикланиб, эксклюзив ранг схемасидаги чарм қопламалар, махсус перфорация ва янги ковриклар билан жиҳозланган. Шунингдек, сўнгги ковган карбон материалидан тайёрланган эшик чойшаблари қўшилган. Cybertruck учун қўшимча ёритиш тизими ҳам ишлаб чиқилган.

Ҳозирча шасси ва электр узатмали тизимда ўзгаришлар бўладими ёки йўқ, бу ҳақда расмий маълумот берилмаган. Mansory Elongation серияси чекланган миқдорда чиқарилишини билдирган.

Бундан олдин, февраль ойи бошида ателье Rolls-Royce Spectre учун ҳам ўзининг Equista Linea d’Oro лойиҳасини тақдим этиб, уни карбон ва ҳақиқий олтин билан безатган эди. “Замин” янгиликларини “Telegram”да кузатиб боринг