Toyota 2024-йилда дунёдаги энг кўп сотилган автомобиль бренди бўлди, деб хабар берди cenyavto.com. Япон компанияси йил давомида глобал миқёсда тахминан 10,7 миллион янги автомобиль сотди. Шунга қарамай, 2024-йилда Toyota маҳсулотларига бўлган талаб 4% га камайди, яъни компания сотувлар камайган даврда ҳам юқори натижаларга эришди.
Қизиқарли томони шундаки, Toyota глобал бозор етакчиси бўлиб қолса-да, электр автомобилларни жуда кам миқдорда сотмоқда. Тахминан 10,7 миллион автомобилдан фақат 140 мингга яқини электр машиналар бўлиб, бу умумий миқдорнинг тахминан 1,3% ни ташкил этади.
Бу натижа кўплаб ишлаб чиқарувчилар учун кўрсаткич бўлиб, дунёнинг катта қисми (асосан Хитойдан ташқари) ҳали ҳам ички ёнув двигателли автомобилларни сотиб олишга интилаётганини англатади. Бироқ, Toyota автомобилларининг юқори машҳурлигининг сабабларидан бири компаниянинг деярли барча бозорларда мавжудлигидир.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
