Ҳозирги пайтда дунёдаги етакчи автомобил ишлаб чиқарувчилардан деярли барчаси электр қувватида ҳаракатланувчи янги авлод машиналарини ишлаб чиқаришга катта эътибор қаратмоқда. Бозорда турли бренд ва моделлар сони шиддат билан кўпайиб бораётгани сабабли, кўплаб харидорлар қайси электромобилга устуворлик бериш кераклигини аниқлашда қийналмоқда.
Шу муносабат билан Британиянинг машҳур Autocar нашри 2025 йилнинг энг яхши 10 та электромобили рўйхатини эълон қилди. Мутахассисларнинг хулосасига кўра, бу йил танланган моделлар ўз рақобатчиларидан бир қатор жиҳатларда сезиларли даражада устунликка эга.
ТОП-10 энг яхши электромобиллар (2025 йил):
-
Kia EV3
-
Hyundai Ioniq 5 N
-
Cupra Born
-
Renault 5 EV
-
Volkswagen ID 7
-
Porsche Taycan
-
Rolls-Royce Spectre
-
Tesla Model 3
-
BMW i7
-
Skoda Elroq
Мутахассислар фикрига кўра, Kia EV3 йилнинг энг яхши электромобили деб топилди. Ушбу модел 2024 йилдан бозорга чиқарилаётган ихчам кроссовер бўлиб, катта масофа захираси, замонавий ахборот-кўнгилочар тизими, кенг салон ва сиғимли юкхонаси билан ажралиб туради.
Autocar тест-драйвери Иля Верпрает таъкидлаганидек: «Гарчанд Kia EV3 биринчи қарашда инқилобий ўзгаришдек туюлмаса-да, амалда у жиддий қадам ҳисобланади. Ушбу сегментдаги рақобатни кучайтиради ва харидорларга янада жозибали вариант сифатида тақдим этилади».
Автомобилнинг асосий афзалликларидан бири — 81,4 кВт·соатли аккумулятор бўлиб, у тўлиқ зарядда тахминан 375 мил (600 километрга яқин) йўл босиб ўтиш имконини беради. Шу билан бирга, моделнинг нархи ҳам айни пайтдаги муҳокамага сабаб бўлмоқда. Kia EV3 бозорда 32 215 фунт стерлингдан бошланади.
Автомобил экспертлари фикрича, Kia EV3 амалийлик, самарадорлик ва кўп қирралиликни ҳамёнбоп нархга нисбатан мувозанатда таклиф эта оладиган қимматли танлов сифатида эътироф этилмоқда. Шу тариқa у 2025 йилнинг энг яхши электромобили сифатида тан олинди.
«Замин»ни Telegram’да ўқинг!
