Тошкент шаҳрининг Мирзо Улуғбек туманидаги автобус шохбекатида 16 апрель, пайшанба куни икки автобус иштирокида йўл-транспорт ҳодисаси рўй берди.
12news.uz’нинг ЙТҲ гувоҳларининг сўзларига асосланиб хабар беришича, авария тонг соат 7:33да содир бўлган.
“50-автобус қайрилаётганида, 88-автобус келиб уни ён томондан урди. 50-автобус ҳайдовчиси бошидан жиддий жароҳат олиб, шикастланди, Mercedes русумидаги 88-автобус ҳайдовчиси оёғидан енгил жароҳат олди”, – деди ҳодиса гувоҳи.
Қайд этишларича, Isuzu русумидаги 50-автобус ҳайдовчиси хушидан кетган ва “қўрқинчли даражада талвасага тушиб қолган”. Унга имкони борича дастлабки тиббий ёрдам кўрсатилиб, касалхонага жўнатилган.
Манба: www.kun.uz «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
