Электромобиль ишлаб чиқарувчиси Tesla тарихида илк бор жаҳон автосаноатининг гигантларидан бири — Mercedes-Benz’ни сотув кўрсаткичлари бўйича ортда қолдирди.
Жорий йилнинг учинчи чорагида Tesla 497 099 та автомобил сотган бўлса, Mercedes 441,5 мингта машина сотишга муваффақ бўлган. Шу тариқа, Илoн Маск раҳбарлик қилаётган компания рақибидан 12,6 фоизга кўпроқ савдо амалга оширди.
Қизиғи шундаки, Mercedesнинг бу даврдаги сотувлари ўтган йилга нисбатан 12,3 фоизга камайган, Tesla’да эса аксинча, 7,4 фоиз ўсиш кузатилган.
Автосаноат таҳлилчиларига кўра, Tesla’нинг бу натижаси дунёда электромобилларга бўлган талаб ортиб бораётганини яна бир бор тасдиқлади. Шунингдек, компания моделларининг энергия тежамкорлиги ва нарх сиёсати ҳам харидорларни ўзига жалб этмоқда.
Маълумот учун, Mercedes-Benz ўзининг илк автомобилни 1901 йилда, Tesla эса 2004 йилда ишлаб чиққан. Шунга қарамай, Tesla қисқа вақт ичида бозорда етакчи брендлар қаторидан жой олди.
