GMAuthority’нинг маълум қилишича, General Motors 2026 йил учун мўлжалланган Chevrolet Tracker Midnight Edition моделини намойиш этди, деб uz24.uz хабар берди. Бу — машҳур Tracker моделининг иккинчи авлоди учун учинчи йиллик янгиланиши ҳисобланади.
LT тўплами асосида ишланган Midnight Edition махсус стилистик кўринишга эга бўлиб, унга жиддий ва хашаматли тус беради. Ушбу тўплам таркибига 17 дюймли High Gloss Black дисклар, қора радиатор панжараси, қора логотиплар, томдаги рельслар, бамперлар пастки қисмида қора элементлар, ҳамда рулдаги Chevrolet белгиси киради.
Дизайн тўплами Cacti Green, Marina Blue Metallic, White Sands каби ранглар билан ҳам мувофиқлашади. Midnight Edition учун қўшимча нарх — $695 (тақрибан 8,5 млн сўм), лекин бундан ташқари LT Convenience Package (595$ ёки 7,3 млн сўм) ҳам талаб этилади.
Техника жиҳатлари ўзгармаган: 1,2 литрли турбомотор, 137 от кучига эга; 6 поғонали автомат узатма ва олд ғилдиракдан тортиш тизими сақланган. Машина E85 ёқилғи турига мослашган.
Модель GM’нинг VSS-F платформасида ишлаб чиқилган ва анъанага кўра Жанубий Кореянинг Changwon шаҳридаги заводда тайёрланади.
“Zamin”ни Telegram'да ўқинг!
