2025-йилда Истанбул шаҳри дунё бўйлаб йўл тирбандликларида энг кўп вақт йўқотган шаҳар сифатида биринчи ўринни эгаллади. Туркиянинг бу йирик мегаполисида ҳайдовчилар йил давомида 118 соатни йўл тирбандликларида йўқотган. Бу ҳақда Inrix аналитик компаниясининг Global Road Traffic Index тадқиқоти маълумотларига таянилган ҳолда TRT Haber хабар берди.
Инрих компанияси томонидан ўтказилган тадқиқотга кўра, Истанбулнинг тирбандлик даражаси 2025-йилда бутун дунёда энг юқори бўлган. Тадқиқотда, йўл сенсорлари ва автомобиллардан тўпланган маълумотлар асосида, шаҳарларнинг аҳоли сони ва йириклиги ҳисобга олиниб, тирбандликда йўқотилган соатлар сони рейтинги шакллантирилган.
Истанбулни ортда қолдириб, Мехико ва Чикаго шаҳарлари кейинги ўринларда жойлашган. Мехико ҳайдовчилари 108 соат, Чикаго ҳайдовчилари эса 112 соат тирбандликда вақт йўқотган.
Дунё бўйлаб 900 дан ортиқ шаҳарлар маълумотлари асосида тузилган бу индекс, глобал йўл ҳаракати ва шаҳарларнинг тирбандлик даражасини таҳлил қилишда муҳим манба ҳисобланади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
