Ўзбекистон автомобиль саноати 2026 йилнинг биринчи ойида сезиларли ўсиш суръатларини кўрсатди. Статистика агентлиги маълумотларига кўра, январ ойида мамлакат заводларида жами 22 099 та енгил автомобиль ишлаб чиқарилган. Бу кўрсаткич ўтган йилнинг мос даврига нисбатан 6,5 минг донага кўпдир. Бу ҳақда ixbt.com хабар беради.
Ишлаб чиқариш ҳажми бўйича Чевролет бренди моделлари етакчилик қилмоқда. Хусусан, Чевролет Cобалт седани январ ойида энг оммабоп моделга айланди ва бир ой ичида 6993 дона автомобиль конвейердан чиқди. Иккинчи ўринни 3628 та кўрсаткич билан Чевролет Дамас эгаллади.
Кучли учликни Чевролет Онйх модели якунлаб берди. Январ ойида ушбу автомобилдан 1974 дона ишлаб чиқарилган. Ўзбекистон автомобиль бозори ўз ишлаб чиқариш қувватларини оширишда давом этмоқда ва бу кўрсаткичлар келгуси ойларда ҳам барқарор ўсишдан далолат беради.
“Zamin”ни Telegram'да ўқинг!
