Cadillac ХТ4 ўз эгасининг юзидан танишни «ўрганиб олди»

^{Фото: Cadillac}
Cadillac ХТ4 субкомпакт кроссовери Хитойда бир қатор янги функцияларга эга бўладиган янгиланишни амалга оширади. Улар қаторида Face ID тизими ҳам бор, бу орқали автомобиль ўз эгасини юзидан таний олади, деб хабар беради Motor.

Компания янги функцияни «энг замонавий калитсиз очиш тизими» дея изоҳлаган ва у сутканинг исталган вақтида, ҳар қандай об-ҳаво шароитида ишлай олади.

Тизим кузовнинг марказий қисмидаги устунга ўрнатилган иккита инфрақизил камерадан фойдаланади. Машина эгаси автомобилга яқинлашгач, тизим Bluetooth орқали унинг мобил телефони сигналини ушлайди ва «уйғонади»: у юзни сканер қилади, шундан сўнг эшик очилади ва двигателни калитсиз ўт олдиради.

Хавфсизлик нуқтаи назаридан янги тизим қўшимча функцияларга эга бўлади — автомобилни бармоқ изи ёки парол ёрдамида очиш. У саккизта профилга, хусусан, администратор профилига эга бўлиб, у қолган етти кишига рухсат бера олади.

^{Фото: Cadillac}
Хитойда Cadillac ХТ4’га янги тизимни ўрнатиш 1480 долларга тушади. Кроссовер Face ID’дан ташқари, Cadillac User Experience (CUE) мультимедиа тизими ҳамда 214 та буйруқни бажара оладиган овозли ёрдамчига эга бўлади. Хитойда ХТ4 нархи 38 минг доллардан бошланади. “Замин” янгиликларини “Youtube”да кузатиб боринг