Фото: БМТ
БМТнинг Инсон ҳуқуқлари бўйича олий комиссари Мишель Бачелет Украинада Россия аскарлари томонидан амалга оширилган эҳтимолий ҳарбий жиноятлар ҳақида баёнот берди.
«Судсиз жазолашлар, жумладан, Киев шимолидаги туманлардаги оммавий қатллар одамни даҳшатга солмай қўймайди. Ҳозирча 300 та қотиллик ҳақида аниқ маълумот мавжуд, янги далиллар топилиши билан бу рақам ошиб бормоқда», – дейди олий комиссар.
БМТ Инсон ҳуқуқлари кенгашининг 34-махсус сессиясида маъруза қилган Мишель Бачелет ақл бовар қилмас ваҳшийликлардан тинч аҳоли жабр кўраётганига эътибор қаратган. Биргина Киев вилоятида мингдан зиёд тинч аҳоли вакили жасади топилган. Уларнинг аксари тергов-судсиз қатл этилган, айримлари ўз вақтида тиббий кўмак кўрсатилмагани оқибатида ҳаёт билан видолашган.
«Россия аскарлари қуролсиз эркакларни Украина қуролли кучларини қўллаб-қувватлайди деган гумон билан ўлдирган. Айримлари эса ўлимидан олдин қийноққа солинган», – дейди БМТ масъул вакили. Масалан, Киев вилоятиниг Катюжанка қишлоғида Россия ҳарбийлари томонидан эр-хотин, уларнинг 14 ёшли қизи ва оиланинг каттаси бўлган кекса отахон ўз уйига кираётганда отиб ташланган.
Олий комиссар юзлаб тиббиёт, таълим муассасалари ва минглаб тураржойлар вайрон этилганини ҳам таассуф билан қайд этган.
ЮНИСЕФ ижрочи директори Умар Умар Абди эса болалар жабр кўраётганини урушнинг энг катта фожиаси деб атаган.
«Биргина ўтган ойда БМТ 100 нафар бола ҳалок бўлгани ҳақида ишончли маълумотларни қўлга киритди. Афсуски, бу рақамлар янада йирикроқ бўлиши мумкин. Кўплаб болалар жароҳатланди. Миллионлаб кишилар бошпанасини тарк этиб, дарбадарликка маҳкум этилди», – дейди ЮНИСЕФ ижрочи директори.
Муҳокамалар якунида БМТ Инсон ҳуқуқлари кенгаши Россиянинг Украинадаги эҳтимолий ҳарбий жиноятларини тергов қилиш тўғрисида резолюция қабул қилди. Кенгашга аъзо 33 мамлакат бу қарорни қўллаб-қувватлади, 12 давлат овоз бермасликни маъқул кўрди. Хитой ва Эритрея эса резолюцияга қарши чиқди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Боррел ЕИнинг Исроил билан мулоқотини тўхтатишни таклиф қилди
Эрдўғон Туркия Исроил билан алоқаларини узганини маълум қилди
АҚШ Исроилнинг икки вазирига санкция қўлламоқчи
Яхши пишган ва мазали анор танлашга ёрдам берадиган тавсиялар
Россия армияси Купянскка киргани айтилмоқда
АҚШ ҳарбийлари орасида ўз жонига қасд қилиш кўпайди
Рақобат қўмитаси биржада Аи-80 бензини бошланғич нархига чеклов ўрнатди
Ҳар қандай катта ёшдаги киши етук эмас
