Йирик авиакомпания Россияга қўлланилган санкциялар туфайли 113 та самолётини йўқотди

^{Фото: «Aercap.com»}
Дунёдаги энг йирик реактив самолётлар эгаси бўлган AerCap Holdings самолёт лизинг гигантининг 113 та самолёти Россия томонидан санкцияларга жавобан мусодара қилинди. Бу ҳақда CNN хабар берди.

Россия ҳукумати томонидан самолётлар ва 11 та реактив двигателларнинг мусодара қилиниши AerCap’нинг чорак йил давомида 500 млн долларлик фойда эмас, балки 2 млрд долларлик соф зарар ҳақида ҳисобот беришига сабаб бўлди.

Аммо компания раҳбарлари чорак ҳақиқатан ҳам яхши бўлганини ва парвозга бўлган талаб COVID-19 пандемиясидан сўнг тикланишда давом этаётгани сабабли яхши натижалар кутаётганларини билдиришди.

- Аммо Россия таъсири нуқтаи назаридан бу чорак компания учун мустаҳкам пойдевордир. Ҳозир барча йўналишларимизда талабнинг ортиб бораётганини, активларимиздан фойдаланишнинг кўпаяётганини кўрмоқдамиз, — деди компания бош директори Ангус Келли.

Компания 22 та реактив самолёт ва 3 та двигателни Россия томонидан мусодара қилинишидан олдин қайтариб олишга эришди. У самолётларини қайтариб олиш учун суғурта даъволарини топширди, гарчи бу даъволарнинг баъзилари Россия суғурта компанияларига тегишли.

Компания жами 1624 та самолётга эга бўлиб, бу битта авиакомпанияга тегишли самолётлардан анча кўп ҳисобланади.

Россияга йўқотилган самолётлар AerCap соф қийматининг 5 фоиздан камроғини ташкил этди, бу эса пандемия даврида General Electric (GЕ)дан рақиб лизинг фирмаси GЕCАS’ни сотиб олиш орқали ошган.

АerоDynamic Advisory бошқарувчи директори Ричард Абулафиянинг айтишича, AerCap самолётлар билан боғлиқ молиявий йўқотишлардан осонгина қоплай олади.

Уруш тугаса ва санкциялар бекор қилинса ҳам, Ғарб авиация назоратчилари назарида самолётлар эксплуатация сертификатларини йўқотган ҳисобланади. “Замин” янгиликларини “Twitter”да кузатиб боринг