Урушнинг 87-куни: Киевда ёниб кетган Россия техникаси. Маринкадаги снайперларнинг ҳаёт тарзи

21 май куни Северодонецк ҳудудида жанглар давом этди, Россия қўшинлари Украина армиясини Лисичанскка олиб ўтадиган кўприкни вайрон қилишди; кейинроқ, Луганск вилояти раҳбари кўприкка ўт очган рус техникаси йўқ қилингани ҳақида хабар берди. Курск вилоятида чегарадаги қишлоқ яна миномётдан ўққа тутилди.

Мариуполдан одамларни Украинанинг бошқа ҳудудларига эвакуация қилиш деярли имконсиз бўлиб қолди — россиялик ҳарбийлар ҳатто иккинчи даражали йўлларда ҳам тўсиқлар ўрнатди, деди шаҳар мерининг маслаҳатчиси. Россия Давлат Думасидаги Либерал демократик партия раҳбари ва Россиянинг Украина билан музокаралари иштирокчиси Леонид Слуцкий Москва Виктор Медведчукни «Азов» жангчиларига алмаштириш имкониятини ўрганаётгани ҳақида гапирди (кейинчалик у ушбу сўзлари контекстдан юлиб олинганини даъво қила бошлади).

Жо Байден Украинага яна 40 миллиард доллар ёрдам кўрсатиш тўғрисидаги ҳужжатни имзолади, Россия транспорт вазири Виталий Савелев эса Украинага босқин муносабати билан жорий қилинган санкциялар Россиядаги «бутун логистикани амалда остин-устун қилганини» тан олди. Meduza урушга оид янги суратларни жамлади.

Харьков вилояти

<sup>Харьковдаги турар жой бинолари. Сўнгги ҳафталарда рус қўшинлари шаҳар шимолига, Белгород вилояти билан чегарага сурилди, бироқ сўнгги кунларда бу ҳудудда Россия кучларининг қарши ҳужумлари ҳам амалга оширилди.
Фото: Getty Images

Харьков кўчаларида Украинанинг ишдан чиқарилган ҳарбий вертолёти корпуси олиб ўтилмоқда.
Фото: Getty Images

Харьковдаги православ черкови ертўласида тушлик қилаётган қочоқлар.
Фото: AP Photo</sup>
Донбасс шимоли

<sup>Православ руҳонийлари 2022 йил 20 май куни Лисичанскда ертўладаги вақтинчалик черковда аҳоли билан ибодат қилишмоқда. Сўнгги ҳафталарда шаҳар яқинида фронтда энг фаол жанглар бўлиб ўтмоқда.
Фото: AFP

Северодонецкдаги отишмалардан кўтарилган тутун. Шаҳар фронт чизиғига яқин бўлиб, Украина армиясининг Северский Донец дарёси шимолидаги муҳим таянч марказидир.
Фото: AFP

Краматорскда уруш бошида Россия томонидан берилган зарба вайроналари орасида қолган тўй фотосурати.
Фото: AP Photo

Донецк вилояти Баҳмут шаҳридаги университет кампусига қилинган ракета ҳужуми оқибатлари.
Фото: Reuters

Украина ҳарбийлари Донбассдаги фронт чизиғи яқинида яраланган сафдошларига ёрдам бермоқда.
Фото: AFP

Донбассдаги фронт чизиғи яқинида ярадор украиналик ҳарбийлар.
Фото: AFP</sup>
Киев

^{Болакай портлаб ишдан чиққан зирҳли транспорт воситасининг минорасини томоша қилмоқда — бу Киев марказида ташкил этилган рус техникалари кўргазмасининг бир қисми.
Фото: Reuters}
Маринка яқинидаги снайперлар отряди
Донецкнинг жануби-ғарбидаги Маринка шаҳри яқинида жойлашган отряднинг суратлари бир неча кун олдин, 16—17 май кунлари олинган. Уруш бошидан буён бу ерда жанглар давом этмоқда, аммо ҳудуддаги фронт чизиғи деярли ўзгармаган. Ушбу фотосуратлар снайперларнинг ишини кўриш учун камдан-кам учрайдиган имкониятдир —ҳозиргача Украина томонидан бундай суратлар деярли нашр этилмаган.

<sup>Маринкадаги снайперлар бўлинмаси кўнгиллилари қуролларни ўқламоқда.
Фото: The Washington Post

Снайперлар бўлинмасининг кўнгиллиси Оксана Маринка яқинида милтиғи билан суратга тушмоқда.
Фото: The Washington Post

Маринкадаги снайпер бўлинмасининг кўнгиллилари.
Фото: The Washington Post

Снайпер бўлинмаси кўнгиллилари Маринка яқинида дрон тасвирларини текширмоқда.
Фото: The Washington Post


Маринкадаги снайпер бўлинмаси кўнгиллилари.
Фото: The Washington Post</sup> Россия ва Украина уруши “Замин” янгиликларини “Twitter”да кузатиб боринг