Урушнинг 88-куни: «Азовсталь» миналардан тозаланмоқда. Мариупол яқинида янги қабрлар пайдо бўлмоқда

22 май куни Украина Мустақил Давлатлар Ҳамдўстлиги халқларининг Иккинчи жаҳон урушида кўрсатган жасорати ва қаҳрамонлиги хотирасини абадийлаштириш тўғрисидаги келишувдан чиқди.
Оммавий ахборот воситалари ва Украина расмийлари Запорожье вилояти Энергодар шаҳридаги уйлардан бирида портлаш содир бўлганини хабар қилди — ўзини шаҳар ҳокими деб эълон қилган Андрей Шевчик ва унинг қўриқчилари яраланган.
Олий Рада Украинада ҳарбий ҳолат ва сафарбарлик муддатини 23 августга қадар узайтирди.
Россия президенти ёрдамчиси Владимир Мединский Украинани музокараларни музлатиб қўйганликда айблади. Россия ва Украина ўртасидаги музокаралар тўхтатилгани тўғрисида Россия ташқи ишлар вазири ўринбосари Андрей Руденко ва Украина президент офиси раҳбарининг маслаҳатчиси Михаил Подоляк 17 май куни эълон қилганди.

«Meduza» урушнинг саксон саккизинчи кунига оид асосий суратларни тақдим этди.

Мариупол

^{Россиялик ҳарбийлар Мариуполдаги «Азовсталь» металлургия заводи ҳудудини миналардан тозалаш устида ишламоқда.
Фото: Reuters}

^{Донецк вилоятидаги россияпараст қўшинларнинг жангарилари.
Фото: Reuters}

^{Мариупол чеккасидаги Старий Қрим шаҳрида қабристон ишчилари тобутни туширмоқда. Бу Россия қўшинлари томонидан босиб олинган ушбу шаҳар яқинида пайдо бўлган янги оммавий қабрлардан биридир.
Фото: EPA}

^{Старий Қримдаги қабристонда янги қабрлар.
Фото: Reuters}
Донбасс шимоли

^{Украина Қуролли кучлари ходими Луганск вилояти, Лисичанск шаҳри чеккасидаги кимсасиз йўлда кетмоқда. Луганск вилояти раҳбари Сергей Гайдайнинг 22 май куни маълум қилишича, Россия кучларининг ҳужумлари оқибатида шаҳарда 13 та, вилоят бўйлаб эса 70 дан ортиқ уй зарар кўрган.
Фото: AFP}

^{Донецк шимолидаги Баҳмут шаҳрида ракета ҳужуми оқибатида вайрон бўлган уй ёнидаги кекса аёл. Донецк вилояти полициясининг маълумотларига кўра, 22 май куни Россия қўшинлари томонидан ҳудуддаги 74 та фуқаролик объекти: турар жой бинолари, мактаб, саноат ва қишлоқ хўжалиги корхоналари, ҳаётий зарур объектлар ўққа тутилган. Бир кунда 18 та ракета ҳужуми қайд этилган.
Фото: AFP}

^{Она ва қизи Баҳмутдан автобусда эвакуация қилинмоқда. Украина Қуролли Кучлари Россия армиясининг артиллерия кўмагида Баҳмут йўналишида ўзининг тактик позициясини яхшилашга уринаётганини маълум қилди.
Фото: AFP}

^{Донецк вилояти шимоли-ғарбида жойлашган Покровск шаҳри касалхонасидаги беморлар.
Фото: AP Photo}

^{Украиналик аскар Донецк яқинидаги артиллерия позициясини термал тасвир монокуляридан кузатмоқда. Монокулярлар куннинг исталган вақтида ва ҳар қандай об-ҳаво шароитида нишонни аниқлаш имконини беради.
Фото: Reuters}

^{Украина аскари Донецк яқинидаги артиллерия позицияларида тушлик қилмоқда.
Фото: Reuters}

^{Лисичанскдаги нефтни қайта ишлаш заводида ўққа тутилишдан кейин кўтарилган тутун.
Фото: AFP}
Харьков вилояти

^{Украина ҳудудий мудофааси аъзолари икки ой давомида рус қўшинлари томонидан ишғол қилинган Русски Тишки қишлоғи яқинидаги фронт чизиғида патруллик қилмоқда. Россия армияси Харьковнинг кўплаб туманларидан чекинганидан сўнг ҳам унинг айрим бўлинмалари шаҳар шимолида қолмоқда ва ўт очишда давом этмоқда.
Фото: Getty Images}