Украина осмонида Россия генерал-майори бошқарувидаги самолёт уриб туширилди

^{Фото: «24 Канал»}
Украина осмонида Россия ҳарбий-ҳаво кучларининг истеъфодаги генерал-майори Канамат Боташев бошқарувидаги самолёт уриб туширилди. Учувчи ҳалок бўлган.

BBC ёзишича, генерал-майорнинг ҳалокатини унинг қўл остидаги уч шахс тасдиқлаган. Хавфсизлик нуқтаи назаридан, уларнинг шахси ошкор қилинмаган.

Боташев — Украинадаги ҳарбий ҳаракатлар давомида ҳалокатга учрагани маълум бўлган энг юқори унвонли учувчи. Истеъфога қадар у авиация полкини бошқарган. Ҳаво жангларида бу даражада юқори унвонли зобитнинг қатнашиши, биринчидан, Москва ҳарбий учувчиларга жуда қаттиқ талаб қўяётганини, иккинчидан, юқори малакали мутахассислар етишмаётганини англатади, деб ёзди BBC. «Замин»ни Telegram’да ўқинг!