Фото: «РИА Новости»
Украинанинг Россия армияси томонидан катта қисми ишғол қилинган Запорожье вилояти «янги ҳокимияти» ҳудудда қўш валютали зонани жорий қилди. Бу ҳақда Запорожье «ҳарбий-фуқаролик бошқаруви бош кенгаши» аъзоси Владимир Рогов «РИА Новости»га маълум қилди.
«Тўловларни гривнада ҳам, рублда ҳам амалга ошириш мумкин. Барча нафақалар рублда берилади», — деди Рогов.
Унинг қўшимча қилишича, вилоятнинг «янги ҳокимияти» Россияга қўшилиш йўлидан боради. Бу «ҳудуд Украина миллатчиларидан тўлиқ озод қилинганидан кейин» содир бўлади.
«Запорожье вилояти учун келажак фақат битта бўлиши мумкин — у Россиянинг бир қисми бўлиши керак, Россия Федерациясининг тўлақонли субъектига айланиши зарур», — деди Рогов.
Шунингдек, у Запорожье вилоятининг «озод қилинган» қисмига Россия империяси давридаги герб қайтарилганини айтди.
23 май куни, худди Запорожье сингари Россия армияси томонидан босиб олинган Херсон вилоятининг россияпараст «маъмурияти» раҳбари Владимир Салдо вилоятда қўш валюта зонаси расман жорий этилганини эълон қилганди.
Россия ОАВларида Херсон вилоятининг янги «ҳарбий-фуқаролик маъмурияти» раҳбари ўринбосари деб айтиладиган фаол Кирилл Стремоусов ҳудуднинг Россия таркибига кирмоқчилигини эълон қилган. Шу билан бирга, у «ҳеч қандай референдумлар бўлмаслигини» айтган. Кремль эса вилоят аҳолиси «ўз тақдирини ўзи белгилаши» кераклигини таъкидлаган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Яхши пишган ва мазали анор танлашга ёрдам берадиган тавсиялар
Эрдўғон Туркия Исроил билан алоқаларини узганини маълум қилди
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
АҚШ ҳарбийлари орасида ўз жонига қасд қилиш кўпайди
Жо Байден: “Баъзан хотиним мени космосга жўнатиш билан таҳдид қилади”
Блинкен Исроилдан учта муаммони ҳал этишни талаб қилди
Ҳар қандай катта ёшдаги киши етук эмас
Пашинян Арманистоннинг Мустақиллик декларацияни энг катта муаммо ва фожиа деб атади
