16:30 / 26.05.2022

Урушнинг 91-куни: Донбассда яна бир шаҳар босиб олинди. Киев миналардан тозаланмоқда (фото)

Урушнинг тўқсон биринчи кунида Чеченистон раҳбари Рамзан Қодиров рус қўшинлари Лисичанскга киришга муваффақ бўлганини айтди.

Луганск вилояти маъмурияти раҳбари Сергей Гайдайнинг сўзларига кўра, минтақа ҳудудининг атиги 5 фоизи Украина назоратида қолмоқда.

Украина президенти Владимир Зеленский россияликлар учун виза режимини жорий этиш ғоясини қўллаб-қувватлади (Россия ва Украина ўртасида визасиз режим амал қилиб келаётган эди).

Россияпараст кучлар назоратидаги Запорожье вилоятида аҳолига Россия паспортларини беришни бошлаш кутилмоқда. Владимир Путин эса уруш бошланганидан бери биринчи марта ярадор рус ҳарбийларини кўриш учун касалхонага ташриф буюрди.

Meduza 25 май суратларини жамлади.

Донбасс шимоли

^{Россияпараст аскарлар Украина қуролли кучларининг Светлодарск шаҳри (Донецк вилояти) яқинидаги собиқ жанговар позициясида. Россия қўшинлари 24 май куни эрталаб Светлодарскни эгаллаб олди. Украина расмийларига кўра, 10 мингга яқин одам оккупация остида қолган.
Фото: Reuters}

^{Светлодарскдаги россияпараст ҳарбийлар.
Фото: Reuters}

^{Покровск темир йўл станциясига қилинган ракета ҳужумининг изи. Эвакуация поездлари шаҳардан Украина ғарбига йўл олмоқда.
Фото: Reuters}

^{Краматорскда ракета ҳужуми оқибатида вайрон бўлган бино олдида ўтирган бола. Шаҳар мери Александр Гончаренконинг сўзларига кўра, 25 май куни рус қўшинлари уйқудаги аҳоли пункти ва хусусий секторни ўққа тутган.
Фото: AFP}

^{Покровскка қилинган ҳужумда яраланган тинч аҳоли вакили. 25 май куни шаҳарга иккита ракета ҳужуми уюштирилди. Донтеск ҳарбий бошқармаси бошлиғи Павел Кириленконинг сўзларига кўра, тўрт нафар тинч фуқаро жароҳатланган.
Фото: AP Photo}
Харьков вилояти

^{Харьков яқинидаги қишлоқда артиллерия ўқларидан яширинишга уринаётган аёл.
Фото: AFP}

^{Олховкадаги қабристон. Қишлоқ уруш бошида рус ҳарбийлари томонидан босиб олинган ва апрель ойида озод қилинган. Уруш бошланганидан бери Харьков вилоятида жами 700 дан ортиқ тинч аҳоли ҳалок бўлди, деди вилоят полицияси тергов бошқармаси бошлиғи Сергей Болвинов.
Фото: Reuters}
Киев вилояти

^{Пиротехниклар Киевдаги ботаника боғи ҳудудини кўздан кечирмоқда. Ҳозир шаҳарда жанговар ҳаракатлар олиб борилган ёки снарядлар тушган ҳудудларни миналардан тозалаш ишлари кетмоқда.
Фото: «КМДА»}