Зеленский Донбассдаги вазиятни жуда оғир деб атади

^{Фото: EPA}
Донбассдаги вазият — «тахмин қилинганидек, жуда оғир», деди Украина президенти Владимир Зеленский. Унинг сўзларига кўра, душман минтақага «максимум артиллерия, максимум захиралар»ни йўналтирган, деб ёзади «РБК».

«Еримизни бугунги кунда мавжуд бўлган мудофаа ресурси имкон берадиган даражада ҳимоя қиляпмиз, — деб ёзди давлат раҳбари ўз Telegram-каналида. — Ва уни кучайтириш учун қўлимиздан келганича ҳаракат қиляпмиз».

Бир неча кун аввал Зеленский Донбассдаги жуда оғир вазият ҳақида гапирган, Украина қуролли кучлари ҳужумга қарши турганини таъкидлаган эди.

Россия 24 февралдан буён Украинада «демилитаризация ва денацификация» (қуролсизлантириш ва натсизмни йўқ қилиш) бўйича махсус ҳарбий операция олиб бормоқда. Апрель ўрталарида Москва унинг иккинчи босқичи бошланганини, бунда россиялик ҳарбийлар Донбассни ва Украинанинг жанубий қисмини назорат остига олишини маълум қилганди.

Ҳозирги пайтда Россия ҳарбийлари ҳамда ДХР ва ЛХР Халқ милицияси кучлари Херсон вилоятини, Запорожье вилоятининг катта қисмини, шунингдек, Харьков вилоятининг бир нечта аҳоли пунктларини назорат қилмоқда.

20 май куни Россия мудофаа вазири Сергей Шойгу Мариуполдаги «Азовсталь» заводи назорат остига олингани ҳақида президентга ҳисобот берди, у ердан 2,4 мингдан ортиқ украин ҳарбийлар чиқди, улар 90 кундан зиёд вақт мобайнида мудофаани сақлаб турган, завод шаҳарда Украина қуролли кучларининг сўнгги қарши туриш ўчоғи бўлган эди.

Шундан кейин, 23 май куни Донецк вилоятининг баъзи туманларида Украина қуролли кучлари позицияларига фаол ҳужум ҳаракатлари қайта бошлангани маълум қилинди ва эртаси куни Светлодарск, кейинроқ Красний Лиман назорат остига олингани айтилди.

25 май куни Чеченистон раҳбари Рамзан Қодиров Россия ҳарбийлари ва ЛХР кучлари Лисичанскка кирганини, 27 май куни эса Северодонецкда туташув линияси устидан назорат ўрнатилганини маълум қилди. “Замин” янгиликларини “Одноклассники”да кузатиб боринг