Украинадаги урушнинг 98-куни: Донбасс учун жанглар қандай кечмоқда?

Урушнинг 98-куни ўтди. Россия қўшинлари Донбассда ҳужумларини давом эттириб, Славянск, Краматорск ва Лисичанск томон ҳаракатланмоқда. Украина томонига кўра, россияпараст кучлар аллақачон Северодонецкнинг 80 фоизга яқинини эгаллаб олган ва у ердаги шаҳарларда жанглар давом этмоқда. Meduza Донбасс учун жангларнинг боришини ўзида акс эттирган суратларни жамлади.

^{Ўққа тутишлардан сўнг Баҳмут яқинидаги писта омбори ёниб кетди. Омбор фронт чизиғига яқин масофада жойлашган, рус қўшинлари шаҳарга яқинлашмоқда.
Фото: EPA}

^{Ногиронлар аравачасидаги кекса аёл Днепрга олиб борувчи эвакуация поездига чиқарилмоқда. Бу поезд Донецк вилоятининг Покровское қишлоғидаги вокзалдан жўнайди, у ерга украиналик кўнгиллилар ҳар куни юзлаб тинч аҳолини фронт чизиғидаги аҳоли пунктларидан олиб келади.
Фото: Sopa Images}

^{Донецк вилоятидан бўлган кекса аёл Днепрга олиб борувчи эвакуация поездида.
Фото: Getty Images}

^{Донецк вилояти аҳолиси эвакуация поездида.
Фото: Getty Images}

^{Украина полицияси Донецк вилоятининг Маринка шаҳридаги мактабда.Унинг вазифаси — мактаб биносида хавфсиз жойга эвакуация қилиниши керак бўлган маҳаллий аҳоли бор-йўқлигини текшириш.
Фото: Reuters}

^{Соледар шаҳрида яшовчи қария отишмада ҳалок бўлган аёлнинг жасади ёнида. Урушдан олдин шаҳарда 11 мингга яқин аҳоли истиқомат қилган, ҳозир деярли кимсасиз. Соледар шарқий фронт чизиғидан тахминан беш километр узоқликда жойлашган ва рус артиллерияси томонидан ўққа тутилмоқда: шаҳар қамалдаги Северодонецкдан чиқувчи йўл бўйида жойлашган.
Фото: AFP}

^{Славянскда яшовчи Сергей Тарасюк ракета зарбасидан вайрон бўлган уйининг харобалари орасида. Тарасюкнинг ўзи тирик қолган, чунки у тунда меҳмонхонасида ухлаган эди. Россия қўшинларининг Славянскка ҳужуми давом этмоқда.
Фото: AFP}

^{Луганск вилоятининг Рубежной шаҳри узра кўтарилган тутун. Урушга қадар шаҳарда 60 мингга яқин одам яшаган.
Фото: Reuters}

^{Ҳозир Рубежной россияпараст кучлар назорати остида. Россия пропагандаси шаҳар «миллатчилардан озод қилинган»ини деб даъво қилмоқда. Украина томони ҳудуд деярли йўқ қилинганини таъкидламоқда.
Фото: Reuters}

^{Рубежнойдаги кўчада ишдан чиқарилган ҳарбий техника.
Фото: Reuters}