Урушнинг 102-куни: Киевга ракета зарбаси оқибатлари, Донбассда жанглар давом этмоқда (фото)

Урушнинг 102-куни ўтди. Бу кунда Киев бўйлаб апрел ойи охиридан буён илк бор ракета зарбалари берилди (бир киши шифохонага ётқизилган). РФ мудофаа вазирлиги Киевга зарба беришдан мақсад Украинага етказиб берилаётган техникалар, жумладан Т-72 танклари сақланаётган вагон таъмирлаш заводи бўлганини маълум қилди.

Украина томони завод ҳудудида ҳарбий технималар бўлмаганини айтди. Владимир Путин агар Киев узоқ масофага ҳаракатланувчи ракеталар олса, Россия шу вақтга қадар ҳужум қилинмаган объектларга зарба берилиши билан таҳдид қилди. Володимир Зеленский Украина армиясининг Донбасс ва Запорожьедаги позицияларига ташриф буюрди.

^{Украиналик мухлислар миллий жамоанинг ЖЧ-2022 мундиали йўлланмаси учун Уэлсга қарши ҳал қилувчи ўйинини кузатмоқда. Бу ўйинда украинлар бир гол ўтказиб юбориб мағлуб бўлишди. Фото: AP Photo/Natacha Pisarenko}
Урушнинг 103-куни. Сўнгги соатлардаги асосий маълумотлар:

• Украина Бош штаби россияликлар сўнгги кунда Лимандан ғарб ва жанубга, Славянск йўналишида юриш қилгани, шунингдек Бахмут ва Северодонецк ҳудудида жангларни давом эттирганини маълум қилган. Шу билан бирга Донбасс фронтининг жанубий участкасида фаол ҳарбий ҳаракатлар тўхтаб қолган.
  
• Украина президенти Володимир Зеленский душанбага ўтар кечаси қилган видеомурожаатида шарқий фронтга боргани, Лисичанск ва Соледарда бўлганини айтди. Лисичанск — айни вақтда бир қисми россиялик ҳарбийлар томонидан эгаллаб олинган Северодонецк шаҳрига ёндош жойлашган. Соледар — россиялик ҳарбийлар таҳдид солиб турган Бахмутдан шимолда, Северодонецк ва Лисичанскни Украинанинг асосий ҳудуди билан боғловчи трасса бўйида жойлашган.
  
• Шарқий фронтда ишлаётган украин журналисти Юрий Бутусов Украина расмийларининг Северодонецкнинг ярми украин ҳарбийлари назоратига қайтгани ҳақидаги баёнотлари тўғри эмаслигини айтди. Бутусовнинг маълумотига кўра, ҳозирда украин қисмлари Северодонецк ғарбидаги саноат зонасида ва унга ёндош кварталларда ҳимояланмоқда. Шу билан бирга, қайд этиш керакки, саноат зонаси шаҳарнинг ярмидан камроқ қисмини эгаллайди.
  
• Буюк Британия мудофаа вазири Бен Уоллес Лондон Украинага М270 баравар ўт очиш реактив тизимлари юборишини маълум қилди. Бу қарор M270 MLRS ишлаб чиқарувчиси ҳисобланган АҚШ билан келишилган. ОАВ маълумотига кўра, ҳозирча уч дона учириш қурилмаси юборилади, украинлар аввалига бу қуроллардан фойдаланишни ўрганиши керак.

Қуйида 5 июн куни Украинанинг турли ҳудудларида олинган суратлар.

Киев ва Киев обласи

<sup>Россияликлар томонидан ракета зарбалари берилган Дарницкий вагон таъмирлаш заводи депоси. Завод Киев марказидан 10 километр масофада жойлашган. РФ мудофаа вазирлиги завод корпусларида Т-72 танклари бўлганини даъво қилган. Аммо «Украина темирйўллари» раҳбари бу ерда фақат вагонлар бўлганини айтди. Фото: Genya Savilov / AFP / Scanpix / LETA

Ишчи темирйўл инфратузилмасига келиб тушган ракета зарбалари оқибатларини кўздан кечирмоқда
AP Photo/Natacha Pisarenko

Киев яқинидаги Макаров посёлкасида вайрон бўлган уй боғидаги ўт қирқилмоқда
Christopher Furlong / Getty Images

Киев устида тутун. 5 июн куни Украина пойтахтига апрел ойи охиридан буён илк бор ракеталар келиб тушди. Шаҳар мэри Виталий Кличконинг маълум қилишича, зарбалар оқибатида бир киши шифохонага ётқизилган.
Edgar Su / Reuters / Scanpix / LETA</sup>
Донецк

<sup>Зарбага учраган турар жой биноси. ДХР вакилларига кўра, Донецк Украина ҳарбийлари томонидан ўққа тутилиши оқибатида уч киши ҳалок бўлиб, 14 киши яраланган. Фото: Владимир Гердо / ТАСС

Россия Тергов қўмитаси ходимлари Донецкнинг Петровск районига ракета зарбалари берилганида ёниб кетган автомобил олдида ўзаро гаплашишмоқда. Россия нашрларига кўра, шанба куни ДХР назоратига ўтган ҳудудга йўлланган ракета зарбалар оқибатида камида беш киши ҳалок бўлиб, 20 киши яраланган. Фото: AP Photo</sup>
Донбасс шимоли

<sup>Елкасига мушугини миндирган аёл ракета зарбасидан кейин ҳовлисини тартибга келтиришга уринмоқда. Дружковка шаҳри Россия армияси зарбалари остида қолган — бу ерда Украина ҳарбий техникалари таъмирланган завод цехлари вайрон қилинган.
Aris Messinis / AFP / Scanpix / LETA

Лисичанскда ўзининг ёнаётган уйи олдида турган киши. Украин қўшини Луганск областида мудофааланишда давом этмоқда
Aris Messinis / AFP / Scanpix / LETA

Дружовкада маҳаллий аҳоли вакили ракета зарбасидан вайрон бўлган уйида диванда ётибди
AP Photo/Bernat Armangue

Дружовкада маҳаллий аҳоли вакили ракета зарбасидан ҳосил бўлган ўрага тушиб кўрмоқда
AP Photo/Bernat Armangue

Украинлар тиббий бригадаси ишлатадиган замбил. Фронт чизиғидаги ўрмон ҳудуди
Bernat Armangue / AP / Scanpix / LETA

Фронт чизиғи яқинидаги ярадор украин ҳарбий хизматчиси
Bernat Armangue / AP / Scanpix / LETA

Бахмут яқинидаги фронт чизиғида турган украин ҳарбийси — Россия қўшини ушбу йўналишда ҳужумларни давом эттирмоқда, аммо шаҳар Украина назоратида қолмоқда. Фото: Gleb Garanich / Reuters / Scanpix / LETA

Украиналик ҳарбий хизматчи автомат гранатомётдан ўт очмоқда
Gleb Garanich / Reuters / Scanpix / LETA

Украиналик ҳарбий фронтнинг олдинги чизиғига қайтишдан олдин ҳордиқ чиқармоқда
AP Photo/Bernat Armangue

Ярадор украин ҳарбийси ҳоспиталга олиб кетилмоқда, Донецк области
AP Photo/Bernat Armangue</sup>
Запорожье области

^{Украина президенти Володимир Зеленский фронт чизиғида. У Донбассдаги Лисичанск ва Соледар шаҳарларига ҳам борган.
Украина президенти матбуот хизмати/ Reuters / Scanpix / LETA} Россия ва Украина уруши “Замин” янгиликларини “Инстаграм”да кузатиб боринг