«Азовсталь» ҳимоясида қатнашган мингдан ортиқ украиналик асирлар тергов қилиниш учун Россияга юборилди

^{Фото: Focus}
Мариупол шаҳридаги «Азовсталь» заводи мудофаасида қатнашган ва кейинроқ таслим бўлган мингдан ортиқ украиналик аскарлар тергов учун Россияга жўнатилди, дея ёзмоқда «ТАСС» ҳуқуқ-тартибот идораларидаги манбасига таяниб.

Ушбу хабардан яқин келажакда бу рақам янада ошиши мумкинлигини билиш мумкин.

Манба, шунингдек, Москвада «хорижий ёлланма аскар» бўлиши мумкин бўлган юздан ортиқ одам борлигини айтган.

Украиналик маҳбуслар айнан қандай тергов ҳаракатларида иштирок этаётгани маълум қилинмаган. Россия Тергов қўмитаси Украинадаги воқеалар билан боғлиқ жиноий ишлар ҳақида мунтазам равишда маълумот бериб боради. (мисоллар 4, 6 ва 7 июнь). “Замин” янгиликларини “Twitter”да кузатиб боринг