Германия Украинага оғир артиллерия қуролларини етказишда давом этмоқчи

^{Фото: Global Look Press}
Германия Украинага оғир артиллерия қуролларини етказишни тўхтатмоқчи эмас. Бу ҳақда мамлакат канцлери Олаф Шольц маълум қилди, деб ёзмоқда «Интерфакс».

«Германия тарихий қарор қабул қилган ва инқирозли минтақа — Украинага қурол-яроғ етказиб бермоқда... Биз у ерга кўп қурол етказиб бердик ва бу ишни давом эттирамиз. Жумладан, Украинага оғир артиллерия қуролларини берамиз», – дея такрорлаган Шольц Берлинда ўтган VAP халқаро хориж матбуоти иттифоқининг матбуот анжуманида.

Шунингдек, у Германиянинг Украинага ракета ҳужумидан ҳимоя қуроллари, зирхли транспортётлар, амуниция етказиб берилганини эслатиб ўтган.

Аввалроқ Германия парламенти «Гепард» номли немис зенит қуролларини ва PzH 2000 (немис тилида - Panzerhaubitze 2000) артиллерия қуролини Украинага етказиб беришни маъқуллаганди. Бу каби қурол-яроғдан жами етти донаси Киев ихтиёрига топширилиши кутилмоқда. «Замин»ни Telegram’да ўқинг!