«Ёки Украинага тезкор ёрдам, ёки Россия билан кечиктирилган уруш» — Зеленский НАТО саммитида нутқ сўзлади

^{Фото: Reuters}
НАТО умумий хавфсизлик маконида Украина учун жой топиши керак, акс ҳолда Шимолий Атлантика альянси Россия билан қарама-қаршиликка кутади. Бу ҳақда Украина президенти Владимир Зеленский Мадридда бўлиб ўтаётган НАТО саммитида видеоалоқа орқали сўзлаган нутқида айтиб ўтди.

«Ёки Украинага ғалаба учун етарли даражадаги етарли шошилинч ёрдам, ёки сиз ва Россия ўртасидаги кечиктирилган уруш», — деган Украина президенти.

Унинг сўзларига кўра, Украина мағлубиятга учраган тақдирда Россия Федерацияси бу билан тўхтаб қолмайди ва Шарқий Европа давлатларига таҳдид солади.

Зеленский, шунингдек, НАТОнинг «очиқ эшиклар» сиёсати қандай гавдаланишини танқид қилди ҳамда альянс ва Россия ўртасидаги «кул ранг зона»дан халос бўлиш зарурлигини таъкидлади.

«НАТОнинг очиқ эшиклар сиёсати эски Киев метросининг турникетларини эслатмаслиги керак: улар очиқ, қачонки сиз яқинлашсангиз, улар токи тўлов қилмагунингизча ёпилади. Украина ҳали етарлича тўлов қилмадими? Ҳам Европа, ҳам бутун цивилизацияни ҳимоя қилишга қўшган ҳиссамиз ҳали ҳам етарли эмасми? Хўш, яна нима керак?» — деган у.

Украина раҳбари унинг мамлакатини имкон қадар кўпроқ қўллаб-қувватлаш, жумладан, қурол-яроғ етказиб бериш ва Россияга қарши санкциялар қўллаш орқали ёрдам беришга чақирди. “Замин” янгиликларини “Инстаграм”да кузатиб боринг