Филиппинда собиқ диктатор Фердинанд Маркоснинг ўғли Филиппин президенти бўлди. 30 июнь, пайшанба куни Бонгбонг Маркос номи билан танилган кичик Фердинанд Маркос 17-давлат раҳбари сифатида қасамёд келтирди. Тантанали маросим Маниладаги Миллий тасвирий санъат музейида юзлаб таниқли меҳмонлар, жумладан, хориждан келганлар иштирокида бўлиб ўтди.
64 ёшли кичик Маркос 9 май куни бўлиб ўтган сайловда ғалаба қозонди. Президент Родриго Дутертенинг қизи Сара Дутерте-Карпио вице-президент бўлди ва 9 июнь куни қасамёд келтириб, 30 июнь куни лавозимига киришди.
Дутертенинг олти йиллик авторитар бошқарувидан сўнг, ҳуқуқ ҳимоячилари, католик черков вакиллари ва сиёсатшунослар кичик Маркос президентлик лавозимида янада авторитар курсни танлаши мумкинлигидан хавфсирамоқда. Сайлов кампаниясида у оиласининг ўтмишдаги шафқатсизлиги ва коррупциясини қоралашдан бош тортди.
Катта Фердинанд Маркос 1965-1986 йилларда Филиппиннинг 10-президенти бўлган. Халқ қўзғолони натижасида у оиласи билан АҚШга қочиб кетган ва у ерда уларга сиёсий бошпана берилган. 1989 йилда собиқ диктатор Ҳавайида вафот этди. 2016 йилда оила Филиппинга қайтиб келгач, кичик Маркос вице-президентлик учун сайловда қатнашди ва Лени Робредога имкониятни бой берди. Жорий сайловда диктаторнинг ўғли ўзининг асосий рақиби Робредодан икки баравар кўп овоз тўплаб, ишончли ғалабага эришди.
Кўплаб шов-шувли ҳаракатлари ва баёнотлари билан танилган Родриго Дутерте ўтган йилнинг октябр ойида сиёсатдан кетишини эълон қилган эди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Жо Байден: “Баъзан хотиним мени космосга жўнатиш билан таҳдид қилади”
Айрим бошқарув сервис компаниялари шартномаларида асоссиз шартлар белгилангани аниқланди
20 ёшли ўзбекистонлик қизни қариндоши Туркияга сотиб юборди
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
Туркиянинг Harper’s Bazaar нашри йил аёлини аниқлади (фото)
КХДР етакчиси дронларни оммавий ишлаб чиқаришни йўлга қўйишни буюрди
Шольц ва Путин ўртасидаги суҳбат Киевга сигнал бўлди
Россиялик депутат: «Олий маълумотлиларнинг курерлик қилиши — ватанпарварликка зид»
