Украинадаги урушнинг 146-куни: Рубежное ва Харкивда вайронгарчиликлар, Запорижжяда ёнаётган далалар (фото)

Украинадаги урушнинг 146-куни. Сўнгги маълумотлар:

• 18 июл куни «ЛХР» расмийлари Донецк областидаги Северск шаҳри эгалланганини хабар қилди. Украина қуролли кучлари бош штаби армия РФ кучларининг Донецк областидаги Северск, Бахмут ва Словянск шаҳарлари атрофида уюштирган ҳужумларини бартараф этгани ҳақида маълум қилди.
  
• Украина қуролли кучлари олий бош қўмондони Валерий Залужний фронтдаги вазият оғирлиги, аммо уни барқарорлаштиришга муваффақ бўлинганини айтди.
  
• Ишғолдаги Херсон областида Россия томонидан тайинланган «амалдорлар» украин ҳарбийлари Нова Каховка шаҳрини ўққа тутишгани, жабрланувчилар борлигини маълум қилишди.
  
• Евроиттифоқ Украинани қуроллантириш учун яна 500 млн евро ажратишни маъқуллади, ёрдамнинг умумий ҳажми 2,5 млрд еврони ташкил этади.
  
• «Ҳарбий фейклар» тўғрисидаги қонун туфайли фаолиятини тўхтатишга мажбур бўлган Россиянинг «Дожд» телеканали 4,5 ойлик танаффусдан кейин яна эфирга қайтди. Журналистлар Россиядан кетишган ва Европанинг тўрт шаҳрида - Рига, Тбилиси, Амстердам ва Парижда ишлай бошлашган.
  
• Украина шаҳарлари — Харкив, Донбасс шимоли ва бошқалар — россиялик ҳарбийлар томонидан ўққа тутилиши давом этмоқда. Харкивдаги турар жой биноларида квартиралар шикастланган — одамлар ўз қўл кучи билан уйларини тузатишга уринмоқда. Донбасс шимолида Рубежное шаҳрида ракета зарбалари оқибатида вайронгарчиликлар; Часив Яр аҳолиси ертўлаларда яшашга мажбур бўлмоқда. 18 июл куни Россия Запорижжядаги буғдой далаларини ўққа тутди.
  
• Conflict Intelligence Team хабарига кўра, жанг қилишдан бош тортган шартнома асосида хизмат қилувчи россиялик ҳарбий хизматчилар Украина билан чегарага қўриқчилар билан олиб келинмоқда.

Қуйида 18 июл куни Украинанинг турли ҳудудларида олинган суратлар:

Харкив

<sup>18 июлга ўтар кечаси россияликларнинг артиллерия зарбасидан шикастланган турар жой биносидаги квартира. Ушбу ҳужум натижасида қурбонлар қайд этилмаган
Vitalii Hnidyi / Reuters / Scanpix / LETA

Харкивликлар Пятихатки микрорайонига берилган зарбадан кейин балконни таъмирлашмоқда. Зарба натижасида деразалар синган, турар жой биносининг икки қавати ва қўшни бино томи, шунингдек ҳовлидаги икки автомобил ҳам шикастланган.
Sergey Kozlov / EPA / Scanpix / LETA</sup>
Донбасс шимоли

<sup>Луҳанск областининг Рубежно шаҳри кўчасида ёниб кетган танк ёнидан велосипедда ўтаётган киши. Рубежное Россия қуролли кучлари томонидан эгалланган, улар июн ойи охирида ушбу шаҳарни ҳам ўз ичига олувчи агломерацияга киришган.
Станислав Красильников / ТАСС

Рубежноелик киши зарбалардан шикастланган уйда таом тайёрламоқда. Россия босқинига қадар бу ерда 60 мингдан ортиқ киши яшаган, ҳозирда шаҳар вайрон бўлган
Станислав Красильников / ТАСС

Рубежноеда яраланган маҳаллий аҳоли вакили.
Станислав Красильников / ТАСС

Часив Ярдаги ертўлада россияликлар ракета зарбасидан яраланган турмуш ўртоғига ғамхўрлик қилмоқда. Бу оила яшаган квартира вайрон бўлган. Шаҳар ўққа тутилгач, ўнлаб кишилар харобалар остида қолган. РФ мудофаа вазирлиги «националистлар»га зарба берилганини иддао қилган.
Metin Akt​as / Anadolu Agency / ABACAPRESS / ddp images / Vida Press

Краматорскдаги Тинчлик майдони. Маҳаллий аҳоли вакили отишмалар оқибатларини суратга олмоқда. 19 июл куни шаҳар мэри Олександр Гончаренко заводларга ракета зарбалари йўллангани, россиялик ҳарбийлар инфратузилмаларни йўқ қилаётганини айтди.
Metin Akt​as / Anadolu Agency / ABACAPRESS / ddp images / Vida Press

Украин ҳарбий хизматчиси Донбассдаги фронт чизиғида FH-70 гаубицасидан ўт очилгач, атрофни кўздан кечирмоқда
Gleb Garanich / Reuters / Scanpix / LETA

Украин ҳарбийлари олдинги чизиқдаги M777 гаубицасини ишга туширмоқда
Gleb Garanich / Reuters / Scanpix / LETA</sup>
Запорижжя

^{Запорижжя областидаги Пологовск районида россиялик ҳарбийлар зарбасидан кейин ёниб кетган буғдой даласи
Dmytro Smolyenko / Укринформ / ZUMA Press Wire}
Киев

^{Украин аскарлари россияликларга қарши жангларда ҳалок бўлган «Фанат» лақабли аскарнинг тобутини кўтаришмоқда, дафн маросими Киевдаги Авлиё Михаил соборида ўтказилди. Фото: AP Photo/Efrem Lukatsky} Россия ва Украина уруши “Замин” янгиликларини “Инстаграм”да кузатиб боринг